រោងចក្រចំនួន ៤សរុបទុនជាង ៣០លានដុល្លារនឹងលេចរូបរាងនៅតំបន់សេដ្ឋកិច្ចពិសេសខេត្តព្រះសីហនុ
យោងតាមការចុះផ្សាយតាមរយៈហ្វេសប៊ុកផេកផ្លូវការរបស់ក្រុមប្រឹក្សាអភិវឌ្ឍន៍កម្ពុជា ដែលបានចេញផ្សាយកាលពីពេលថ្មីៗនេះស្ដីអំពីគណៈកម្មាធិការតំបន់សេដ្ឋកិច្ចពិសេសកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញ វិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុនចំនួន ៤បន្ថែមទៀតដែលមានទីតាំងស្ថិតក្នុងតំបន់សេដ្ឋកិច្ចពិសេសខេត្តព្រះសីហនុ។ ក្រុមហ៊ុនទាំងនោះរួមមាន៖
1.“IVISTA DECOR CO.,LTD”: គម្រោងបង្កើតរោងចក្រផលិតក្ដារប៉ាកេ ក្ដារបន្ទះ និងគ្រឿងសង្ហារឹម មានទុនវិនិយោគចំនួន ១, ៥លានដុល្លារអាមេរិក និងអាចបង្កើតការងារជូនប្រជាជនបានចំនួន ១៣៥កន្លែង។
2.“GLORY ALLIANCE (CAMBODIA) CO.,LTD”: គម្រោងបង្កើតរោងចក្រផលិតការបូប និងវ៉ាលិស មានទុនវិនិយោគប្រមាណ ៥,៦៤លានដុល្លារអាមេរិក ព្រមទាំងអាចបង្កើតការងារបានចំនួន ៣៨០កន្លែង។
3.“CAMBODIAN TROPIC FLOORING CO.,LTD”: គម្រោងបង្កើតរោងចក្រផលិតក្ដារប៉ាកេ ក្ដារបន្ទះ និងគ្រឿងសង្ហារឹម មានទុនវិនិយោគប្រមាណជា ៦,៥លានដុល្លារអាមេរិក និងអាចផ្ដល់ការងារបានចំនួន ៥៤០កន្លែង។
4.“COUGAR WOOD INDUSTRY CO.,LTD”: គម្រោងបង្កើតរោងចក្រផលិតក្ដារប៉ាកេ និងក្ដារបន្ទះ មានទុនវិនិយោគប្រមាណ ១៤,៩៥លានដុល្លារអាមេរិក និងអាចបង្កើតការងារបានចំនួន ១៦២កន្លែង៕
អត្ថបទ៖ ជួប ស្រីរ័ត្ន
