សញ្ញា៣យ៉ាងដែលបង្ហាញថា ការងាររបស់អ្នកដល់ ដំណាក់កាលទ្រាំលែងបានត្រូវតែដាក់មេប្រ៉ូច
ការបំពេញការងារឱ្យគេ ជៀសមិនផុតពីដំណាក់កាលតានតឹង ធុញថប់ ហើយមានពេលខ្លះគឺដល់ដំណាក់កាលដែលលោកអ្នកគួរតែសម្រេចចាកចេញពីក្រុមហ៊ុនតែម្ដង។ តើស្ថានភាពបែបនេះដែលលោកគួរតែចាកចេញ?
១) មតិយោបល់ និងដំបូន្មានរបស់អ្នកគ្មានអ្នកណាអើពើទាំងអស់៖ ប្រសិនបើលោកអ្នកដល់ដំណាក់កាលមួយដែលមតិយោបល់ ក៏ដូចជាដំបូន្មានរបស់អ្នកគ្មាននរណាគេឱ្យតម្លៃ និងមើលឃើញហើយនោះ គឺលោកអ្នកមិនចាំនៅយូរទៀតទេ ពោលគឺគួរតែចាប់ផ្ដើមស្វែងរកកន្លែងថ្មីហើយ។
២) សន្យាបានតែសន្យា៖ ប្រសិនបើស្ថាប័ន ក៏ដូចជាប្រធានក្រុមហ៊ុនរបស់អ្នកមិនបានគោរពទៅតាមពាក្យសន្យាទេនោះ លោកអ្នកក៏គួរតែចាប់ផ្ដើមសំឡឹងមើលការងារថ្មីដែលសក្ដិសមសម្រាប់អ្នកហើយ។ ប្រសិនបើអ្នកនៅតែបន្តចំណាយពេលជាមួយក្រុមហ៊ុនបែបនេះទៀត នោះអ្នកនឹងខាតបង់ពេលវេលាអត់ប្រយោជន៍។
៣) អ្នកត្រូវបានក្រុមហ៊ុនបញ្ជាឱ្យធ្វើអំពើអសីលធម៌ អមនុស្សធម៌ ខុសច្បាប់៖ ប្រសិនបើលោកអ្នកត្រូវបានម្ចាស់ក្រុមហ៊ុន ឬអ្នកណាម្នាក់បញ្ជា ឬជំរុញឱ្យបញ្ឈប់បុគ្គលិកដោយគ្មានហេតុផល ធ្វើបាបបុគ្គលិក កិបកេងប្រយោជន៍ក្រុមហ៊ុន ឬប្រយោជន៍ជាតិ នោះគឺជាពេលដែលលោកអ្នកត្រូវឆ្លើយតែទេ និងឈប់ជាបន្ទាន់៕
ដោយ៖ រតនៈវិភូ
