ក្បួនរកលុយ ៦យ៉ាង ធានាបានថា «រកបានពេលណា សល់ពេលហ្នឹង»
ពេញមួយជីវិតមនុស្ស គ្មាននរណាម្នាក់ចង់រស់នៅដោយគ្មាន "លុយ" ឡើយ។ នេះជាបំណងរបស់មនុស្សភាគច្រើនបំផុត កំពុងពុះពាររាល់ថ្ងៃដើម្បីវា។ ជាទូទៅមនុស្សក្នុងសង្គមជាច្រើន ខិតខំយ៉ាងសស្រាកសស្រាំ មិនថាបំពេញការងារឱ្យគេ ឬបំពេញការងារអាជីវកម្មផ្ទាល់ខ្លួន ក៏ព្រោះតែ លុយ តែមានមនុស្សជាច្រើន ពេលរកចំណូលបានច្រើនគួរសមហើយ នៅតែមិនសល់។ តើគួរធ្វើយ៉ាងណាទៅ? តើត្រូវចំណាយដោយរបៀបណា? ដូច្នេះ ចូរអនុវត្តន៍នូវគោលការណ៍ទាំង ៦ ខាងក្រោមនេះ នោះអ្នកនឹងដឹងថាតទៅមុខទៀត អ្នកចាយលុយសល់ ឬ មិនសល់៖
១. ចង់សល់លុយច្រើន លុះត្រាតែមានចំណេះដឹងផ្នែកហរិញ្ញវត្ថុ និង ដឹងច្បាស់របៀបនៃការចាយលុយឲ្យត្រូវគោលដៅ ព្រមទាំងមានប្រសិទ្ធភាព និងលទ្ធផលល្អ ២. ប្រាក់នោះនឹងកើនឡើងនៅថ្ងៃអនាគត ប្រសិនបើយើងដកតិចបំផុតចំនួន ១០% ដើម្បីសន្សំទុកប្រើរាល់ពេលបង្កើតចំណូលម្ដងៗ ៣. លុយនឹងអាចបង្កើតកូនចៅឲ្យម្ចាស់វា ចំពោះម្ចាស់ណាដែលឆ្លាតវៃ យកលុយទៅបង្កើតអ្វីផេ្សងទៀតដែលមានប្រយោជន៍ (វិនិយោគ)
៤. ត្រូវតែសន្សំទុក ១% ជាប្រចាំមុនពេលចំណាយទៅលើរបស់ណាមួយ មិនត្រូវចាយអស់ឬចាយហើយសល់ទើបសន្សំទុកនោះទេ
៥. បើអ្នកប្រុងប្រយ័ត្នក្នុងការចាយវាយនោះ លុយនឹងរស់នៅជាមួយអ្នករហូត ហើយគួរតែពិភាក្សាជាមួយអ្នកជំនាញ មុខពេលយកវាទៅបង្កើតមុខជំនួញ រកស៊ី ឬវិនិយោគក្នុងទ្រង់ទ្រាយធំ ឬតូចល្មមណាមួយ
៦. ពេលខ្លះបើយើងជឿលើអ្នកដទៃឬជឿលើខ្លួនឯងពេក ហើយយកលុយទៅធ្វើរឿងដែលមានមនុស្សតិចតួចបំផុតធ្វើ ឬវិនិយោគលើជំនួញមិនប្រាកដប្រជាណាមួយនោះ មិនប្រាកដនឹងអាចទៅរួចនោះឡើយ។ បរាជ័យជាមេរៀន តែបរាជ័យលើកដំបូងធ្ងន់ធ្ងរ អ្នកប្រហែលជាទ្រោមខ្លួន បាក់ស្បាតពិបាកងើបនៅពេលក្រោយដែរ៕
ដោយ៖ លឺ សុខហេង
