អាកាសធាតុត្រជាក់អីចឹង តើត្រូវថែរក្សាស្បែករបស់អ្នកដូចម្តេច?
អាកាសធាតុបានចាប់ផ្តើមប្រែប្រួលជាត្រជាក់ហើយ មិនថានៅប្រទេសកម្ពុជាទេ នៅបណ្ដាប្រទេសផ្សេងទៀតក៏ត្រជាក់ដែរ។ ក្នុងស្ថានភាពអាកាសធាតុត្រជាក់បែបនេះ តើលោកអ្នក ជាពិសេសសុភាពនារី គួរថែទាំស្បែករបស់អ្នកតាមវិធីណាទៅ?
ក) ការពារស្បែកនៅពេលនៅក្រៅផ្ទះ ជាការពិត នៅពេលដែលអាកាសធាតុកាន់តែត្រជាក់ ម៉ូលេគុលទឹកនៅក្នុងស្បែករបស់អ្នកងាយនឹងឆាប់អស់ ហើយស្បែកឡើងស្ងួត។ ដូច្នេះដើម្បីកុំឱ្យស្បែករបស់អ្នកមានបញ្ហានោះ គឺត្រូវតែគិតលើចំណុចពីរគឺ ត្រូវជ្រើសរើសសំលៀកបំពាក់ឱ្យបានត្រឹមត្រូវ និងត្រូវជ្រើសរើសប្រភេទក្រែមឱ្យបានត្រូវផងដែរ។ លោកអ្នកត្រូវស្លៀកពាក់អាវរងា ហើយត្រូវលាបក្រែម ដែលធ្វើឱ្យស្បែករបស់អ្នកមានសំណើមមុនពេលដែលស្លៀកពាក់អាវរងា និងមុនចេញក្រៅផ្ទះ។
ខ) ការពារស្បែកនៅពេលនៅក្នុងផ្ទះ នៅពេលត្រជាក់ កុំងូតទឹកយូរពេក ជាពិសេសមិនត្រូវងូតទឹកក្ដៅពេកនោះទេ។ បើសិនលោកអ្នកងូតទឹកក្ដៅខ្លាំងពេក គឺវានឹងបំផ្លាញប្រេងធម្មជាតិនៅលើស្បែក ដែលធ្វើឱ្យស្បែកមានបញ្ហាបាន។ ត្រូវងូតឱ្យបានឆាប់ ពោលគឺឆាប់ជាងនៅរដូវក្ដៅ។ បបូរមាត់របស់អ្នក ក៏គួរជ្រើសរើសក្រែម ឬប្រេងធម្មជាតិមួយចំនួនលាបឱ្យមានសំណើម (ក្រាស់បន្តិច) ដើម្បីកុំឱ្យស្ងួតនៅពេលយប់ ហើយនៅពេលថ្ងៃលោកអ្នកគួរតែលាបផងដែរ៕
ដោយ៖ រតនៈ វិភូ
