មហាសេដ្ឋី ចេក ម៉ា៖ «កុំរៀនតាមចេក ម៉ា កុំរៀនតាម បៀល ហ្គេត!ត្រូវរៀនតាមអ្នកជិតខាងរបស់អ្នក»
មនុស្សជាច្រើនយល់ឃើញថា ដើម្បីក្លាយជាមនុស្សជោគជ័យ គឺគប្បីត្រូវរៀនតាមបុគ្គលជោគជ័យក្នុងលោក ជាពិសេស បុគ្គលល្បីៗដូចជា លោក បៀល ហ្គេត ដែលជាមហាសេដ្ឋីរបស់អាមេរិក ឬ លោក ចេក ម៉ា ដែលជាមហាសេដ្ឋីរបស់ចិន។
ប៉ុន្តែសម្រាប់លោកចេក ម៉ា យល់ឃើញផ្ទុយពីគំនិតនេះ។ លោកយល់ឃើញថា ស្ថានភាពមិនដូចគ្នានោះទេ ព្រោះថា ប្រទេសនីមួយៗមានប្រព័ន្ធច្បាប់ផ្សេងៗគ្នា ប្រព័ន្ធអប់រំផ្សេងគ្នា និង វប្បធម៌ផ្សេងៗគ្នា ដូច្នេះហើយបើព្យាយាមធ្វើតាមបុគ្គលជោគជ័យណាម្នាក់ដោយមិនបានគិត អំពីស្ថានភាពជាក់ស្តែងនោះខ្លួននោះទេ គឺគ្មានឡើយពាក្យថា ជោគជ័យ។
ផ្ទុយទៅវិញ មានតែការបរាជ័យ និង ការខកបំណងយ៉ាងធំធេង។ មហាសេដ្ឋីចិនរូបនេះ បានផ្តល់អនុសាសន៍ឲ្យយុវជនជំនាន់ក្រោយប្រឹងប្រែងរៀនសូត្រពីមនុស្សជុំវិញខ្លួន ដែលកំពុងរស់នៅក្នុងស្ថានភាពសង្គមដូចគ្នា ហើយព្យាយាមរកឲ្យឃើញថា ហេតុអ្វីបានជាពួកគេពូកែជាង អស្ចារ្យជាង និង ជោគជ័យជាងអ្នកដទៃ៕
