យោងតាមឯកសារតុលាការពាក់ព័ន្ធករណីក្រុមហ៊ុន Oracle និង Google ឱ្យដឹងថា ក្រុមហ៊ុន Google រកចំណូលបានប្រមាណ ៣១ពាន់លានដុល្លារពីប្រព័ន្ធប្រតិបត្តិការ Android OS។ ចំណែកពេលនេះ មានព័ត៌មានថា Google នឹងមានការទូទាំងប្រាក់សំណងឱ្យទៅឱ្យក្រុមហ៊ុន Apple លើថ្លៃសេវាកម្មស្វែងរុករកលក្ខណៈដើម (Default Search) នៅលើប្រព័ន្ធប្រតិបត្តិការ iOS។
យោងតាមគេហទំព័រ Bloomberg ឱ្យដឹងថា Google នឹងបង់ប្រាក់ប្រមាណ ១ពាន់លានដុល្លារទៅលើសេវាកម្ម Search ដែលដំណើរការនៅលើ iOS platform របស់ Apple សម្រាប់ឆ្នាំ២០១៤ កន្លងទៅ។ Apple និង Google មានកិច្ចព្រមព្រៀងមួយត្រង់ Google ត្រូវបក់ប្រាក់ទៅឱ្យ Apple គិតជាភាគរយនៃប្រាក់ចំណូលដែលបានមកពីសេវាកម្ម Search នៅលើផលិតផលរបស់ Apple។ ចំណែកភាគហ៊ុនរវាងក្រុមហ៊ុនទាំងពីរ ៣៤% នៃចំណូលពី Search នៅលើផលិតផល Apple។
មេធាវីរបស់ Google បានព្យាយាមចង់ឱ្យដកចេញនូវតួលេខ ៣៤% នេះពីកំណត់ត្រាតុលាការ ប៉ុន្តែចៅក្រមបដិសេធមិនព្រមយកចេញពីរបាយការណ៍ឡើយ។ អ្វីដែលជាការគួរឱ្យចាប់អារម្មណ៍ពីករណីនេះ គឺថា Apple បានរិះគន់ Google សម្រាប់គោលការណ៍ Search របស់គេ ពួកគេមានការសប្បាយចិត្ត នឹងការទទួលបានចំណូលពីសេវាកម្ម Search នៅពេលវាត្រូវបានប្រើប្រាស់នៅលើ platform របស់ពួកគេ៕
