មានបណ្តាប្រទេសច្រើនណាស់នៅលើពិភពលោកដែលគេសង្កេតឃើញថា នីតិវិធីនៃការចុះឈ្មោះបង្កើតអាជីវកម្ម ឬ ក្រុមហ៊ុនមួយៗមានភាពស្មុគស្មាញច្រើន ចំណាយពេលយូររហូតដល់រាប់ខែ និងអាចចំណាយថវិកាច្រើនទៀតផង។ នេះវាផ្ទុយស្រលះពីបណ្តាប្រទេសជឿនលឿនមួយចំនួនដែលនីតិវិធីនេះ ប្រើពេលមិនដល់មួយថ្ងៃផង។ យោងតាមទិន្នន័យរបស់ក្រុមហ៊ុនអង់គ្លេស Approved Index ឥឡូវនេះប្រិយមិត្តអាចមកមើលប្រទេសចំនួន ១០ ដែលឈរលេខរៀងលើគេល្បីថា លោកអ្នកអាចចុះឈ្មោះបង្កើតក្រុមហ៊ុនរកស៊ី ចំណាយពេលយ៉ាងឆាប់រហ័សបំផុត៖ ១.នូវែលហ្សេឡង់ ចំណាយពេលតិចជាង ១ថ្ងៃ ២.ម៉ាសេដូនី ចំណាយពេលតិចជាង ១ ថ្ងៃ ៣.កាណាដា ចំណាយពេល ២ ថ្ងៃ ៤.ហុងកុង ចំណាយពេល ២ ថ្ងៃ ៥.ហ្សកហ្ស៊ី ចំណាយពេល២ ថ្ងៃ ៦.អូស្ត្រាលី ៣ ថ្ងៃ ៧.ព័រទុយហ្គាល់ ចំណាយពេល ៣ ថ្ងៃ ៨.សាំងហ្គាពួរ ចំណាយពេល ៣ ថ្ងៃ ៩.អាមេនី ចំណាយពេល ៣ ថ្ងៃ ១០.អាហ្សេបៃហ្សង់ ចំណាយពេល ៣ ថ្ងៃ៕ អត្ថបទ​៖ សូរ៉ាណា ប្រភព៖ inc