សហ​ស្ថាបនិក​វ័យ​ក្មេង​របស់​ក្រុមហ៊ុន​ BuddlePlus​ លោក អ៊ុយ រដ្ឋធានី ដែល​ជា​ក្រុមហ៊ុន​ផ្ដោត​ទៅ​សេវាកម្ម​​សម្អាត​អនាម័យ​លក្ខណះ​ស្ដង់​ដា​សម្រាប់​ក្រុមហ៊ុន​ និង​អគារ​នានា​ដែល​បច្ចុប្បន្ន​កំពុង​ទទួល​បាន​ការ​គាំ​ទ្រ​​ពី​អតិថិជន​ ​បាន​ផ្ដល់​យោបល់​និង​បង្ហាញ​ពី​កត្តា​ចាំបាច់​សម្រាប់​យុវជន​ដែល​មាន​ក្ដី​ស្រមៃ​ចង់​ក្លាយ​ជា​សហគ្រិន​​ នា​ពេល​អនាគត​ថា បើ​ចង់​ជោគ​ជ័យ​កក្នុង​ការ​ធ្វើ​អាជីវកម្ម​យុវជន​គួរ​រៀន​ធ្វើ​ការ​ឲ្យ​គេ​ឱ្យ​បាន​ច្បាស់​ជា​មុន​សិន។

សហគ្រិន​វ័យ​ក្មេង​រូប​នេះ​បាន​លើក​ឡើង​ថា ​​​យុវជន​ភាគ​ច្រើន​នៅ​ពេល​ ​​ទំនេរ​ ឬ​នៅ​ថ្ងៃ​ចុង​សប្ដាហ៍​​​​តែង​តែ​​ចូល​រួម​សិក្ខា​សាលា​ឬ​ចូល​រៀន​វគ្គ​ខ្លី​ៗ​​ដើម្បី​បំផុត​ និង​ជំរុញ​ខ្លួន​ឱ្យ​​ក្លាយ​ជា​អ្នកអាជីវកម្ម​​ ប៉ុន្តែ​យុវជន​ខ្លួន​ឯង​ត្រូវ​តែ​ដឹង​ថា​ ការ​រៀន​គឺ​មិន​ដូច​ជា​ការ​អនុវត្ត​ជាក់​ស្ដែង​នោះ​ទេ​ មាន​ន័យ​ថា ​បទ​ពិសោធន៍​នៃ​ការ​ធ្វើ​អាជីវកម្ម​ទាមទារ​ឲ្យ​យើង​មាន​បទពិសោធន៍​ច្រើន ​ហើយ​បទ​ពិសោធន៍​ទាំង​អស់​នោះ​គឺ​បាន​មក​តាម​រយៈ​ការ​ធ្វើ​ការងារ​ឲ្យ​គេ​ជា​មុន​សិន។

លោក​បាន​លើក​ឡើង​បន្ត​ថា​ សម្រាប់​បុគ្គល​ដែល​ឆ្លាត​នៅ​ពេល​ដែល​គាត់​ចូល​ធ្វើ​ការ​ងារ​ឲ្យ​គេ​ គឺ​គាត់​នឹង​រៀន​ពី​មជ្ឈដ្ឋាន​ដែល​នៅ​ជុំវិញ​ខ្លួន​គាត់​ ឧទាហរណ៍​ថា​តើ​ខាង​លក់​គេ​ សិក្សា​ទៅ​លើ​អ្វី​ខ្លះ? គេ​មាន​របាយការណ៍​អ្វី​ខ្លះ​? តើ​គេ​ត្រូវ​សិក្សា​ពី​អតិថិជន​របស់​គេ​យ៉ាង​ម៉េច​ខ្លះ? តើ​គេ​ឆ្លើយ​តប​ជា​មួយ​អតិថិជន​របស់​គេ​យ៉ាង​ម៉េច​ដែរ? តើ​ខាង​ហិរញ្ញវត្ថុ​គេ​ត្រូវ​ធ្វើ​អ្វី​ខ្លះ​? តើ​គេ​ត្រូវ​កត់ត្រា​បញ្ជី​បែបណា? តើ​គេ​ទា​លុយ​យ៉ាង​ម៉េច​ខ្លះ​ដើម្បី​ឲ្យ​បាន​លុយ​លឿន? ហើយ​ខាង​អ្នក​ផ្គត់ផ្គង់​(Supplier) តើ​យើង​ត្រូវ​ទាក់​ទង​យ៉ាង​ម៉េច​និង​ចរចា​យ៉ាង​ម៉េចខ្លះ​ដើម្បី​ឲ្យ​គេ​ទុក​ចិត្ត​យើង​ហើយ​ឲ្យ​យើង​ជំពាក់​គេ? ដូច្នេះ​ទាំង​នេះ​គឺ​សុទ្ធ​តែ​ជា​វិធីសាស្រ្ត​និង​ជា​ចំណុច​ស្នូល​ដែល​យើង​ត្រូវ​រៀន​មុន​ពេល​បើក​អាជីវកម្ម។

ស្ថាបនិក​រូប​នេះ​បន្ត​ទៀត​ថា ៖«សម្រាប់​អ្នក​ដែល​គាត់​ចង់​សាកល្បង​ធ្វើ​អាជីវកម្ម​ គាត់​ចង់​ដឹង​ពី​ដំណើរ​នៃ​ការ​ធ្វើ​អាជីវកម្ម​គឺ​គាត់​អាច​សាកល្បង​ធ្វើ​បាន​ប៉ុន្តែ​បើ​គាត់​មាន​ចិត្ត​ចង់​ធ្វើ​ត្រឹម​តែ​រយៈពេល​ខ្លី​គួរ​តែ​កុំធ្វើ​វា​អី​ព្រោះ​វា​នាំ​ឲ្យ​ខាត​ពេល​វេលា ម្យ៉ាង​ទៀត​ទីមួយ​គាត់​ខ្វះ​បទពិសោធន៍​ ទី២​គឺ​គាត់​គ្មាន​ជំនាញ​ច្បាស់​លាស់​ដូច្នេះ​វា​អាច​និង​ប្រឈម​នឹង​បញ្ហា​ច្រើន»។

សូម​បញ្ជាក់​ថា​ លោក​ អ៊ុយ រដ្ឋធានី បច្ចុប្បន្ន​ជា​​​សហ​ស្ថាបនិក​ និង​ជា​ប្រធាន​ក្រុមហ៊ុន​សម្អាត BuddlePlus (Cambodia) Co., Ltd ក្រុមហ៊ុនបាឌឹលផ្លាស(ខេមបូឌា)ឯក ជាក្រុមហ៊ុនផ្តល់សេវាកម្មខាងផ្នៃកសម្អាតនិងកម្ចាត់សត្វល្អិតទៅកាន់បណ្តាក្រុមហ៊ុន អង្គការ ធានាគារ ផ្សាទំនើប រោងចក្រ សាលារៀន សណ្ធាគារ និងស្ថាប៏ន្តផ្សេងៗទៀត។​

ក្រុមហ៊ុនយើងបានចុះបញ្ចីរជាផ្លូវការនៅក្រសួងពាណិជ្ជកម្មនិងពន្ឋដានៅឆ្នាំ២០១៧ បន្ទាប់ពីបានសាកល្បងស្រាវជ្រាវនិងធ្វើការសាកល្បងពីតំរូវការនៅខែធ្នូឆ្នាំ២០១៦។​ បច្ចុប្បន្ននេះក្រុមហ៊ុនបាឌឹលផ្លាស(ខេមបូឌា)ឯក មានការគ្រប់ដណ្តប់សេវាកម្មជូនអតិថិជនរហូតដល់២៤ ខេត្តក្រុងនិងមានបុគ្គលិកចំនួន១៤០នាក់​ហើយ។​

សេវាកម្មរបស់ក្រុមហ៊ុនយើងមានដូចជា សេវាកម្មសំអាតប្រចាំថ្ងៃ សេវាកម្មសំអាតអាគារសាងសងហើយ ឬ អគារទុកយូ សេវាកម្មសំអាតកញ្ចក់ខ្ពស់ៗទាំងខាងក្នុងនិងខាងក្រៅ សេវាកម្មបោកព្រំ សេវាកម្មថែទាំសួន សេវាកម្មកំចាត់សត្វល្អិតទូទៅ និង​សេវាកម្មកំចាត់និងការពារសត្វកណ្តៀរ សំរាប់ព័តមានបន្ថែមសូមទាក់ទងមកកាន់ អាសយដ្ធាន ផ្ទះលេខ10BOZ សង្កាត់បឹងទំពុន ខ័ណ្ឌមានជ័យ ក្រុងភ្នំពេញ។​

ទូរស័ព្ទលេខ ០២៣២១២៣២៧ ០១៦៧៣៨២៦៤  ០១៧ ៧៤៧​ ០៣៧ or Email: [email protected]៕

អត្ថបទ៖ ស្រីរ័ត្ន និង ភារៈ