កម្រងសម្ដី៥ឃ្លាដែលអាចផ្លាស់ប្ដូរការគិតរបស់អ្នកចំពោះខ្លួនឯង
១) «អារម្មណ៍និងការគិតលេចឡើងមកហើយក៏រលត់បាត់ទៅវិញ។ វាបានក្លាយជាកាន់តែច្បាស់ថាពួកវាគ្រាន់តែមកហើយទៅវិញដោយខ្លួនវាប៉ុណ្ណោះ។ វាគ្មានអត្តាឯណាដែលជាម្ចាស់ទៅលើពួកវានោះឡើយ»។ Tara Brach
២) «ចង់ផ្លាស់ប្ដូរពិភពលោកដោយមិនបានស្វែងរកការពិតអំពីខ្លួនឯង ប្រៀបដូចជាការព្យាយាមគ្របដណ្ដប់ពិភពលោកជាមួយនឹងស្បែកសត្វដើម្បីគេចចេញពីភាពឈឺចាប់នៃការដើរលើថ្មនិងបន្លា។ វាងាយស្រួលជាងបើសិនជាយើងពាក់ស្បែកជើង»។ Ramana Maharshi
៣) «មានមនុស្សតិចតួចណាស់ក្នុងចំណោមពួកយើងដែលបានរស់នៅក្នុងពេលបច្ចុប្បន្ន។ ជារៀងរហូត ពួកយើងតែងប្រមើលមើលអំពីអ្វីដែលនឹងមកដល់ ឬក៏ចងចាំអំពីអ្វីដែលបានកន្លងផុតទៅហើយ»។ Louis L’Amour
៤) «ការសមាធិគ្រាន់តែជាការមានសតិដឹងពីអ្វីដែលកំពុងតែកើតឡើងឥឡូវនេះដោយពុំមានការប្រាថ្នាចង់ឲ្យខុសពីនេះនោះឡើយ។ រីករាយជាមួយនឹងភាពរីករាយដោយមិនមានការជាប់ជំពាក់នៅពេលវាផ្លាស់ប្ដូរ។ នៅជាមួយនឹងភាពមិនរីករាយដោយមិនមានការភ័យខ្លាចថាវានឹងក្លាយជាបែបនេះរហូត»។ James Baraz
៥) «សេចក្ដីសុខគឺជាធម្មជាតិរបស់អ្នក។ វាមិនខុសនោះឡើយដែលអ្នកប្រាថ្នាចង់បានវា។ អ្វីដែលខុសគឺជាការស្វែងរកវាពីខាងក្រៅនៅពេលវាស្ថិតនៅខាងក្នុង»។ Ramana Maharshi
