បណ្ដុះទម្លាប់ល្អ ៥យ៉ាង ដែលអ្នកគួរធ្វើ ចំពោះហិរញ្ញវត្ថុរបស់អ្នក អោយកាន់តែល្អប្រសើរជាងមុន
ទម្លាប់របស់មនុស្សម្នាក់ៗ ពិតជាសំខាន់ខ្លាំងណាស់ ព្រោះថាវា នឹងមានឥទ្ធិពលយ៉ាងខ្លាំងក្លាទៅលើជីវិតរបស់គេ។ ដូច្នេះហើយបានជាការបណ្ដុះទម្លាប់ណាដែលមានប្រយោជន៍ គឺជារឿងដែលអ្នកត្រូវផ្ដល់ការយកចិត្តទុកដាក់។
ខាងក្រោមនេះ គឺជាទម្លាប់ ៤យ៉ាងដែលអ្នកគួរមានចំពោះហិរញ្ញវត្ថុរបស់អ្នក អោយកាន់តែល្អប្រសើរ៖
១) ចែករំលែកគំនិត
ថ្វីបើការចូលរួមចែករំលែកគំនិត មិនបានផ្ដល់ប្រាក់ចំណេញអ្វីមកឲ្យអ្នកវិញក៏ពិតមែន ប៉ុន្តែនៅពេលអ្នកចែករំលែកគំនិត អ្នកនឹងអាចជួយមនុស្សមួយចំនួនបាន ហើយក៏អាចកសាងទំនាក់ទំនងជាមួយមនុស្សជុំវិញខ្លួនអ្នកបានកាន់តែច្រើន។ នៅពេលមានមនុស្សច្រើនស្គាល់ពីសមត្ថភាពអ្នក មានទំនុកចិត្តលើអ្នក ច្បាស់ណាស់ថាអ្នកនឹងអាចទទួល បាននូវឱកាសល្អៗអ្វីនៅថ្ងៃខាងមុខ។
២) បែងចែកលុយសម្រាប់សន្សំទុក
គ្មាននរណាអាចដឹងបានទេ ថានឹងមានរឿងរ៉ាវ បញ្ហា រឺ គ្រោះថ្នាក់អ្វីខ្លះដែលកើតឡើងនៅខណៈពេលបន្ទាប់។ នៅពេលនោះឯងដែល លុយដែលអ្នកបានសន្សំទុក នឹងអាចជួយដោះស្រាយបញ្ហារបស់អ្នកក្នុងពេលនោះបាន។
៣) ផែនការច្បាស់លាស់ ត្រួតពិនិត្យលើការចំណាយ នានាឡើងវិញ
ការត្រួតពិនិត្យលើការចំណាយរបស់ខ្លួនឯង មានប្រយោជន៍ និង សារសំខាន់នៅត្រង់ថា អ្នកនឹងអាចដឹងបានថា តើអ្នកបានចំណាយទៅលើអ្វីខ្លះ? ថាតើការចំណាយនោះមានប្រយោជន៍ ឬ ចាំបាច់ឬអត់ ដូចនេះអ្នកនឹងអាចផ្លាស់ប្ដូរទម្លាប់ក្នុងការចាយវាយរបស់អ្នកបាន នោះអ្នកនឹងអាចសន្សំទុកបានទៀតផង។
ពុំនោះទេអ្នកនឹងចាយវាយដោយមិនដឹងថាលុយត្រូវបានរត់ចេញទៅណាអស់ក្នុងមួយពព្រិចភ្នែកមិនខាន ដែលវាជាទម្លាប់ដ៏អាក្រក់មួយ។
៤) ការធ្វើទាន ការបរិច្ចាក រឺ សប្បុរសធម៌
ទឹកបឹង ទឹកទន្លេដែលគ្មានការហូរនាំទឹកចេញ ចូលទេនោះ នោះទឹកបឹង ទឹកទន្លេនោះប្រាកដជាស្អុយកខ្វក់មិនខាន។
អ្នកមិនអាច ក្រ ដោយការចែករំលែកដល់អ្នកដទៃនោះឡើយ។ មានមនុស្សច្រើនណាស់ដែលកំពុងតែជួបការលំបាកខ្វះខាត ហេតុនេះបើអ្នកបានខ្ពង់ខ្ពស់ឬជីវភាពប្រសើរហើយ អ្នកមិនគួរភ្លេចគិតពីសុខទុក្ខរបស់អ្នកដទៃដែលលំបាកនោះឡើយ បើទោះជាពួកគេមិនអាចជួយអ្នកអ្វីបានវិញក៏ដោយ ហើយអ្នកក៏មិនត្រូវជួយដោយរំពឹងការតបស្នងអ្វីមកវិញនោះដែរ៕
៥) ការបន្តអភិវឌ្ឍខ្លួនជានិច្ច
ដូចពាក្យចាស់បានពោលថា ចំនេះជាទ្រព្យនឹងប្រាណ គ្មានអ្នកណាអាចលួចបាន ។ រៀនច្រើន ចេះច្រើន ។
ប្រាក់ចំណូលរបស់អ្នកនឹងកើនឡើង ទៅតាមកម្រិតនៃការអភិវឌ្ឍខ្លួនរបស់អ្នក ។
ដោយ៖ ស្រីពៅ
សូមអាន៖ ទម្លាប់ចំនួន ៣នៅក្នុងជីវិតសម័យទំនើប ផ្ដល់ផលប៉ះពាល់អវិជ្ជមានចំពោះអ្នក
