ទាំងនេះគឺជាគតិ ៥ឃ្លាដែលនឹងផ្លាស់ប្ដូរការយល់ឃើញរបស់អ្នកចំពោះជីវិត
១) «បើការគិតរបស់អ្នកមានសភាពទទេ នោះវានឹងតែងតែត្រៀមរួចរាល់ជានិច្ចសម្រាប់អ្វីៗទាំងឡាយ វាបានបើកចំហសម្រាប់អ្វីៗគ្រប់យ៉ាង។ រីឯនៅក្នុងការគិតរបស់អ្នកទើបនឹងចាប់ផ្ដើម វាមានលទ្ធភាពដែលអាចទៅរួចជាច្រើន ប៉ុន្តែនៅក្នុងការគិតរបស់អ្នកជំនាញវិញ វាមានតិចតួចប៉ុណ្ណោះ»។ Shunryu Suzuki
២) «អ្នកមិនត្រូវការអ្វីទាំងអស់ដើម្បីរីករាយ។ តែអ្នកត្រូវការអ្វីម្យ៉ាងដើម្បីកើតទុក្ខ»។ Mooji
៣) «អារម្មណ៍គ្រាន់តែជាភ្ញៀវប៉ុណ្ណោះ ចូរអនុញ្ញាតឲ្យវាមកហើយត្រឡប់ទៅវិញចុះ»។ Mooji
៤) «ខ្ទមមួយដែលពោរពេញដោយសំណើចក្អាកក្អាយសម្បូរហូរហៀរជាងវិមានមួយដែលពោរពេញដោយទុក្ខសោកទៅទៀត»។
៥) «សេចក្ដីទុក្ខសោកផ្ដល់ឲ្យនូវជម្រៅ។ សេចក្ដីសុខផ្ដល់ឲ្យនូវកម្ពស់។ សេចក្ដីទុក្ខសោកផ្ដល់ឲ្យនូវឫស។ សេចក្ដីសុខផ្ដល់ឲ្យនូវមែកសាខា។ សេចក្ដីសុខប្រៀបដូចជាដើមឈើដែលលូតលាស់ខ្ពស់នៅក្នុងអាកាស សេចក្ដីទុក្ខសោកប្រៀបដូចជាឫសដែលចាក់ចូលទៅក្រោមនៅក្នុងផែនដី។ ទាំងពីរនេះសុទ្ធតែត្រូវការ ហើយបើកាលណាដើមឈើលូតលាស់កាន់តែខ្ពស់ វាក៏ចាក់ឫសចូលទៅកាន់តែជ្រៅក្នុងពេលដំណាលគ្នានេះដែរ។ បើកាលណាដើមឈើលូតលាស់កាន់តែធំ ឫសរបស់វាក៏កាន់តែធំដែរ។ តាមពិតទៅ វាតែងតែសមាមាត្រនឹងគ្នាជានិច្ច។ នេះហើយគឺជាតុល្យភាពរបស់វា»។ Osho
ដោយ៖ ស្រីពៅ
សូមអាន៖ មេរៀនជីវិតទាំង ៩របស់ខុង ជឺ អ្នកប្រាជ្ញចិន ផ្លាស់ប្ដូរជីវិតអ្នក
