កម្រងសម្ដីទាំង ៥ឃ្លាដែលមានតម្លៃជ្រាលជ្រៅសម្រាប់អ្នកត្រិះរិះ
១) «យកឈ្នះមនុស្សក្រោធដោយការមិនខឹងក្រោធតប យកឈ្នះមនុស្សអសប្បុរសដោយអំពើសប្បុរស យកឈ្នះមនុស្សកំណាញ់ដោយការឲ្យ យកឈ្នះមនុស្សនិយាយមិនពិតដោយការនិយាយពិត»។ ពុទ្ធដីការបស់ព្រះសម្មាសម្ពុទ្ធ
២) «មនុស្សជាតិបានបង្កើតរាប់ពាន់វិធីដើម្បីរត់គេចពីខ្លួនឯង។ ហើយនៅពេលដែលស្ថានភាពនៃការគិតរបស់មនុស្សកាន់តែយ៉ាប់យ៉ឺន ការបង្កើតថ្មីក៏មានកាន់តែច្រើនឡើងដែលពួកគាត់បង្កើតដើម្បីរត់គេចពីខ្លួនឯង។ បើសិនជាយើងសម្លឹងមើលរយៈពេល៥០ឆ្នាំចុងក្រោយនេះ ពួកយើងនឹងរកឃើញថាមនុស្សបានបង្កើតការកម្សាន្តអារម្មណ៍កាន់តែច្រើនដើម្បីរត់គេចពីខ្លួនឯងជាងពេលមុនៗនៅក្នុងប្រវត្តិសាស្ត្រ។ រោងភាពយន្ត វិទ្យុ ទូរទស្សន៍ ទាំងអស់នេះសុទ្ធតែជាវិធីដើម្បីរត់គេចចេញពីខ្លួនឯង»។ Osho
៣) «រហូតទាល់តែអ្នករៀនប្រឈមមុខជាមួយនឹងស្រមោលរបស់ខ្លួនឯង ពុំនោះទេអ្នកនឹងបន្តឃើញវានៅក្នុងអ្នកដទៃជានិច្ច ពីព្រោះថាពិភពលោកនៅខាងក្រៅអ្នកគ្រាន់តែជាចំណាំងផ្លាតនៃពិភពលោកដែលនៅខាងក្នុងខ្លួនអ្នកតែប៉ុណ្ណោះ»។ អនាមិក
៤) «ចូររីករាយដោយគ្មានមូលហេតុអ្វីទាំងអស់ ប្រៀបបាននឹងកូនក្មេងដូច្នោះដែរ។ បើសិនជាអ្នករីករាយដោយមានមូលហេតុ នោះអ្នកនឹងធ្លាក់ទៅក្នុងអន្លង់បញ្ហាមិនខាន ព្រោះថាមូលហេតុនោះនឹងអាចត្រូវបានដកយកចេញពីអ្នក»។ Deepak Chopra
៥) «នៅពេលដែលអ្នកគិតថាអ្វីៗគ្រប់យ៉ាងសុទ្ធតែជាកំហុសរបស់នរណាម្នាក់ នោះអ្នកនឹងរងទុក្ខជាខ្លាំង។ នៅពេលដែលអ្នកទទួលស្គាល់ថាអ្វីៗគ្រប់យ៉ាងសុទ្ធតែមានដើមកំណើតដុះចេញពីអ្នកតែម្នាក់គត់ នោះអ្នកនឹងរៀនសូត្របាននូវសន្តិភាពនិងភាពរីករាយមិនខាន»។ សម្ដេចសង្ឃ ដាឡៃ ឡាម៉ា
៦) «គ្មានអ្វីមួយនៅលើលោកនេះដែលអាចរំខានអ្នកដូចដែលការគិតរបស់អ្នកខ្លួនឯងនោះឡើយ។ តាមការពិតទៅ អ្នកដទៃហាក់ដូចជាកំពុងតែរំខានអ្នក ប៉ុន្តែវាមិនមែនជាអ្នកដទៃនោះទេ តែគឺជាការគិតរបស់អ្នកខ្លួនឯងនេះឯង»។ Sri Sri Ravi Shankar
ដោយ៖ ស្រីពៅ
