ថ្មីៗនេះក្រុមហ៊ុន Asus បានបង្ហាញចេញសមិទ្ធផលថ្មីគួរឱ្យចាប់អារម្មណ៍នៅពិព័រណ៍ Computex ដែលជាកុំព្យូទ័រមានអេក្រង់ភ្លោះពីរ dual-display PC។ គំរូកុំព្យូទ័រទំនើបនេះ ស្ថិតក្នុងគម្រោង Project Precog ហើយវាមានរូបរាងប្រហាក់ប្រហែលទៅនឹង Lenovo Yoga Book អីចឹង។ ក្រុមហ៊ុន Asus បានបញ្ជាក់ថា ខ្លួនបានសម្រិតសម្រាំងឡេបថបនេះដោយបញ្ចូលមុខងារជាច្រើននៃ AI smart ដែលមើលទៅផ្ដល់អារម្មណ៍ឱ្យយើងឃើញថា វាជាកុំព្យូទ័រអនាគត។
គម្រោង Precog ត្រូវបានផលិតចេញសមិទ្ធផលជាទម្រង់ Laptop mode, book mode, tent mode និង flat mode។ អេក្រង់ទី២ អាចប្រើធ្វើជា keyborad ដូចច្រើនទៅនឹង Yoga Book របស់ Lenovo ប៉ុន្តែនៅពេលវាបានភ្ជាប់ជាមួយ keyboard ខាងក្រៅ នោះអេក្រង់ទាំងនឹងក្លាយជាទម្រង់ portrait mode។
https://youtu.be/Fhb4CYJi9PE
Precog អាចរៀននៅពេលមានការប្រជុំ ដោយកំណត់បានទីតាំង និងធ្វើការលៃលកអាយុកាលថ្ម ដូច្នេះអ្នកមិនចាំបាច់បារម្ភពីការអស់ថ្មខណៈពេលកំពុងប្រជុំទៀតឡើយ។ វាថែមទាំងដំណើរការជាមួយមុខងារ Alexa និង Cortana អាចឱ្យអ្នក រក្សាកិច្ចការ main task ជា full view ខណៈ Virtual Assistants ដំណើរការ task ដទៃនៅលើអេក្រង់ទី២។ ក្រុមហ៊ុន Asus អះអាងថា Precog គឺលើសពី concept ដែលក្រុមហ៊ុនមានគម្រោងនឹងបង្ហាញចេញផលិតផលពិតក្នុងឆ្នាំ២០១៩ ខាងមុខ៕
ដោយ៖ រឹទ្ធិរាជ
