កម្រងទស្សនជីវិតចំនួន ៥ឃ្លា ដែលអ្នកគួរយកទៅពិចារណាក្នុងជីវិត
១) «មនុស្សខ្លះបានដើរនៅក្នុងភ្លៀងធ្លាក់ ខណៈពេលដែលអ្នកខ្លះវិញបានត្រឹមតែទទឹកខ្លួន»។ Roger Miller
២) «នៅពេលដែលអ្នកសម្គាល់ខ្លួនឯងថាជាជនជាតិឥណ្ឌា ឬជនជាតិឥស្លាម ឬជាអ្នកកាន់សាសនាគ្រិស្ត ឬពួកអឺរ៉ុប ឬអ្វីផ្សេងទៀតក៏ដោយ អ្នកកំពុងតែបង្កហិង្សាហើយ។ តើអ្នកឃើញឬទេថាមូលហេតុអ្វីបានជាវាជាការបង្កហិង្សា ? ពីព្រោះថាអ្នកកំពុងតែផ្ដាច់ខ្លួនឯងចេញពីមនុស្សជាតិទាំងមូលហើយ។ នៅពេលអ្នកផ្ដាច់ខ្លួនឯងចេញដោយជំនឿ ដោយជាតិសាសន៍ ដោយវប្បធម៌ វានឹងបង្កើតហិង្សា»។ Jiddu Krishnamurti
៣) «សម្រាប់ពួកយើងភាគច្រើន ទំនាក់ទំនងជាមួយអ្នកដទៃមានមូលដ្ឋានទៅលើការពឹងផ្អែកគ្នា បើមិនមែនទៅលើសេដ្ឋកិច្ចក៏ទៅលើផ្លូវចិត្តដែរ។ ការពឹងផ្អែកនេះបង្កើតឲ្យមាននូវការភ័យខ្លាច បណ្ដុះនៅក្នុងខ្លួនយើងនូវចំណង់ដែលចង់បានយកមកធ្វើជាកម្មសិទ្ធិរបស់ខ្លួន ផ្ដល់ជាលទ្ធផលឲ្យមកនូវការកកិត សេចក្ដីសង្ស័យ និងការអាក់អន់ស្រពន់ចិត្ត»។ Jiddu Krishnamurti
៤) «គាត់មានច្រើនបំផុត គឺជាជនដែលរីករាយបំផុតជាមួយនឹងការមានតិចតួចបំផុត»។ Diogenes
៥) «មនុស្សដែលតែងតែមានគុណធម៌នៅក្នុងមាត់ តែធ្វេសប្រហែសវានៅក្នុងការបដិបត្តិ ប្រៀបដូចជាពិណដែលអាចបញ្ចេញសំឡេងដែលទាក់ទាញដល់អ្នកដទៃ ខណៈពេលដែលវាខ្លួនឯងមិនដឹងអ្វីទាល់តែសោះពីភ្លេងនោះ»។ Diogenes
ដោយ៖ ស្រីពៅ អត្ថបទទាក់ទង៖ កំពូលទស្សនៈទាំង ១០ឃ្លារបស់អាល់ប៊ឺត អាញ់ស្ដាញ់ (Albert Einstein) កំពូលអ្នកប្រាជ្ញសម័យទំនើប
