ក្រុមហ៊ុន Vivo ថ្មីៗនេះបានបង្ហាញទូរស័ព្ទថ្មីសន្លាងមួយម៉ូដែលទៀត និងបានបញ្ចេញទៅលើទីផ្សារប្រទេសចិនភ្លាមៗដែរ ដែលមានឈ្មោះ Vivo Z1។ Z1 ជាស្មាតហ្វូនមួយទៀតរបស់ Vivo ដែលមាន notch ហើយវាបានខ្ចីលក្ខណៈ សម្បត្តិពី Vivo V9 និង Vivo X21។
ស្មាតហ្វូនអេក្រង់លាតស្អាតថ្មីរបស់ក្រុមហ៊ុនចិននេះ មានអេក្រង់ ៦,២៦អ៊ីញកម្រិត resolution 2280x1080px ជាមួយសមាមាត្រ 19:9 LCD ហើយបំពាក់ឈីប Snapdragon 660, RAM 4GB កាមេរ៉ាក្រោយភ្លោះទំហំ 13MP+2MP និងខាងមុខទំហំដល់ 24MP។
Z1 មានរន្ធដាក់ស៊ីមប្រភេទ hybrid ដែលអាចឱ្យអ្នកប្រើស៊ីម២ ឬអាចដាក់ microSD ត្រូវលះបង់ស៊ីម១ ។ វាមានកម្លាំងថ្ម 3260mAh និងមានទ្រនាប់ស្កេនក្រយៅដៃនៅខ្នងទូរស័ព្ទ។ Vivo Z1 ដំណើរការដោយផ្ទៃសូហ្វ៊ែរ Funtouch OS 4.0 ផ្អែកលើ Android 8.1។ គេហទំព័រ JD បានបើកឱ្យកុម្ម៉ង់ទិញហើយ ជាមួយជម្រើសពណ៌៣ គឺខ្មៅ ខៀវ និងក្រហម ក្នុងតម្លៃ ១៧៩៩យន់ ឬប្រហែល ២៨០ដុល្លារ ហើយនឹងចាប់ផ្ដើមចែកចាយលក់នៅថ្ងៃទី៤ ខែមិថុនាខាងមុខ៕
ដោយ៖ រឹទ្ធិរាជ
