​ក្រុមហ៊ុន Razer ​របស់​អាមេរិក ថ្មីៗ​នេះ​បាន​ណែនាំ​ចេញ​កុំព្យូទ័រ Gaming Laptop ​ស៊េរី Razer Blade អេក្រង់ ១៥,៦អ៊ីញ​ជំនាន់​ថ្មី​ដែល​ទទួល​បាន​ការ​បំពាក់​លក្ខណៈ​សម្បត្តិ​ខ្ពស់​ជាង​មុន ហើយ​អ្វី​ដែល​គួរ​ឱ្យ​ចាប់អារម្មណ៍​នោះ​គឺ​ថា វា​នឹង​ប្រើប្រាស់​ក្រាហ្វិក Max-Q។

Razer បាន​ចែកចេញ Razer Blade ដល់​ទៅ ៥ម៉ូដែល​ខុសៗ​គ្នា​ត្រង់​គុណភាព​អេក្រង់ ក្រាហ្វិក និង​អង្គ​ផ្ទុក​ទិន្នន័យ។ ក្នុង​នោះ​នឹង​មាន​ម៉ូដែល​ស្តង់ដារ Vapour chamber cooling ​ដែល​មាន TDP ​ច្រើន​ជាង Blade ជំនាន់​មុន ៣០% ហើយ​មាន CPU Intel Core i7-8750H (6-core និង 12 thread) ល្បឿន 2.2GHz ​និង​ល្បឿន max boost ដល់ 4.1GHz ប្រើ​ក្រាហ្វិក Intel Mobile HM370, RAM 16GB DDR4 2667MHz (អាច​បន្ថែម​ដល់ 32GB ) https://youtu.be/kfFHghqiIAU ​សម្រាប់​រន្ធ​តំណភ្ជាប់​នៅ​លើ Razer Blade ស៊េរី​ថ្មី​នេះ​រួម​មាន៖ 1x mDP, 1x HDMI 2.0b, 1x USB-C Thunderbolt 3, 3x USB 3.1 ជាមួយ​ប្រព័ន្ធ​សំឡេង Dolby Atmos audio, dual front facing stereo speaker និង​រន្ធ​កាស 3.5mm jack។ Gaming Laptop នេះ​មាន​នូវ​ប្រព័ន្ធ​ត​ភ្ជាប់​ឥត​ខ្សែ Intel wireless-AC 9260 ​គាំទ្រ​ស្តង់ដារ 802.11 a/b/g/n/ac ​និង​បច្ចេកវិទ្យា Bluetooth 5.0។

អ្វី​ដែល​ពិសេស​នោះ Razer Blade ​ថ្មី​នេះ​មាន​អេក្រង់​ធំ​ជាង​មុន ១៥,‍៦អ៊ីញ គែម​ស្ដើង edge-to-edge display ​ជាមួយ​អត្រា refresh នៅ 144Hz ផ្ដល់​បទពិសោធន៍​ខ្ពស់​ក្នុង​ការ​លេង​ហ្គេម​យ៉ាង​ជក់ចិត្ត ល្បឿន​លឿន​សម្រាប់​មុខងារ Stream ​អេក្រង់ vivid screen។ លក្ខណៈ​ពិសេស​ទៀត វា​បាន​បំពាក់​ជាមួយ​ក្ដារ Anti-Ghosting Razer Chroma (RGB) និង​មាន​កាមេរ៉ា web camera កម្រិត 720p អម​ដោយ​មៃក្រូហ្វូន​ផង​ដែរ។ សម្រាប់​លក្ខណៈ​សម្បត្តិ​លំអិត​បន្ថែម​ទៀត ប្រិយមិត្ត​អាច​ចូល​ទៅ​កាន់​គេហទំព័រ​ផ្លូវការ​របស់ Razer ផ្ទាល់​ដោយ​ចុច​លើ​ តំណភ្ជាប់ Link នេះ៕ ​ដោយ៖ រឹទ្ធិរាជ