គតិដែលប្រកបដោយខ្លឹមសារជ្រាលជ្រៅចំនួន ៥អំពី «បច្ចុប្បន្នភាពនៃជីវិត»
១) "មនុស្សសុខចិត្តលះបង់បច្ចុប្បន្នដើម្បីអនាគត។ ប៉ុន្តែជីវិតមានសម្រាប់តែបច្ចុប្បន្នតែប៉ុណ្ណោះ។ មូលហេតុនេះហើយដែលពួកយើងគួរតែដើរតាមរបៀបណាដែលគ្រប់ជំហានទាំងអស់នាំយើងទៅកាន់ទីនេះនិងពេលឥឡូវនេះ"។ Thich Nat Hanh
២) "គ្មានផែនការដែលមានប្រសិទ្ធភាពណាមួយ ដែលអាចបង្កើតឡើងដោយមនុស្សណាដែលមិនមានសមត្ថភាពអាចរស់នៅពេលឥឡូវនេះទេ"។ Alan Watt
៣) "បើអ្នកពិតជាបានចូលឲ្យជិតស្និទ្ធជាមួយការ៉ុត១មើម អ្នកនឹងបានចូលជិតស្និទ្ធជាមួយនឹងដី ទឹកភ្លៀង និងព្រះអាទិត្យរះ។ អ្នកបានចូលជិតស្និទ្ធជាមួយនឹងមាតាធម្មជាតិ អ្នកបានបរិភោគវាតាមរបៀបមួយដែលអ្នកមានអារម្មណ៍ជិតស្និទ្ធជាមួយនឹងជីវិតពិតរបស់អ្នក ឫសគល់របស់អ្នក ដែលទាំងនេះហើយគឺជាការសមាធិ។ បើយើងទំពាគ្រប់ម៉ាត់នៃអាហាររបស់យើងតាមរបៀបមួយដែលយើងមានអារម្មណ៍ដឹងគុណ ហើយនៅពេលអ្នកបានដឹងគុណ អ្នកនឹងរីករាយមិនខាន"។ Thich Nat Hanh
៤) "មនុស្សជាច្រើនមានជីវិតរស់នៅ ប៉ុន្តែមិនបានពាល់ត្រូវអព្ភូតហេតុនៃការបានរស់នៅនោះឡើយ"។ Thich Nat Hanh
៥) "ការធ្វើសមាធិមានន័យថាជាការវិលត្រឡប់ទៅផ្ទះរបស់ខ្លួនឯងវិញ។ បន្ទាប់មកអ្នកនឹងដឹងថាត្រូវយកចិត្តទុកដាក់ថែទាំអ្វីៗដែលកំពុងតែកើតឡើងនៅខាងក្នុងអ្នកដោយរបៀបណា ហើយអ្នកក៏ដឹងថាត្រូវយកចិត្តទុកដាក់ថែទាំអ្វីៗដែលកំពុងតែកើតឡើងនៅជុំវិញខ្លួនអ្នកដោយរបៀបណាដែរ"។ Thich Nat Hanh
ដោយ៖ ស្រីពៅ អត្ថបទទាក់ទង៖ មេរៀនជីវិតទាំង ៧របស់ ឡៅសឺ (Lao Tzu) អ្នកប្រាជ្ញចិនបុរាណ ផ្លាស់ប្តូរជីវិតអ្នក
