អ្វីទៅជាលេសដែលរារាំងមិនឲ្យអ្នកបើកមុខរបរដោយខ្លួនឯង?​

តោះ​អានអត្ថបទជាមួយ BizKhmer ទាំងអស់គ្នាថា បុគ្គលជោគជ័យណាខ្លះដែលបានណែនាំអំពីជំនួញ? 

១) ​«​តើ​អ្វី​ដែល​ចាំបាច់​ក្នុង​ការ​បើក​ ជំនួញ​មួយ​? ​​គឺ​មាន​​ចំណុច​៣​យ៉ាង​៖

​​ទីមួយ ​ស្គាល់​អំពី​​ផលិតផល​របស់​ខ្លួន​ជាង​នរណា​ទាំង​អស់

​​ទីពីរ ​ស្គាល់​អតិថិជន​របស់​អ្នក​ ​និង

ទីបី ​មាន​សេចក្ដី​ប្រាថ្នា​​​ចង់​ជោគជ័យ​ខ្លាំង​បំផុត»។---​ដោយ​ Dave Thomas

២) ​«​​តម្លៃ​​នៃ​គំនិត​មួយ ​គឺ​អាស្រ័យ​សំខាន់​លើ​ការ​ប្រើប្រាស់​វា​»។ ---​ដោយ​​Thomas Edison

៣) ​«​​អ្នក​មិន​មែន​រៀន​ដើរ​ ​ដោយ​ពឹង​លើ​ក្បួន​ ឬ វិន័យ​នោះ​ទេ​។ ​​អ្នក​​អាច​រៀន​ដើរ​បាន​ ​ដោយសារ​ការ​​ដើរ ​និង​ ​ការ​ដួល​ច្រើន​ដង​»។---​ដោយ​ Richard Branson

៤) ​ខ្ញុំ​ដឹង​ច្បាស់​ថា ​​​ប្រសិនបើ​ខ្ញុំ​បរាជ័យ ​ខ្ញុំ​មិន​សោកស្ដាយ​នោះ​ទេ ​ប៉ុន្តែ​​​ ​ខ្ញុំ​ពិត​ជា​សោកស្ដាយ​ ​​ប្រសិនបើ​ខ្ញុំ​​​មិន​ព្យាយាម​ធ្វើ​អ្វី​មួយ​»។---​ដោយ​ Jeff Bezos

៥) ​«​កុំ​បង្អាក់​ខ្លួន​ឯង​។ ​​មនុស្ស​ជាច្រើន​​ ​តែង​បង្អាក់​ខ្លួន​ឯង​ចំពោះ​ អ្វី​ដែល​ពួកគេ​គិត​ថា ​​អាច​ធ្វើ​បាន​។ ​អ្នក​អាច​ទៅ​កាន់​តែ​ឆ្ងាយ​ ​តាម​គំនិត​របស់​អ្នក​។ ​អ្វី​ដែល​អ្នក​ជឿជាក់​​ ​និង ​ចងចាំ ​​នោះ​អ្នក​នឹង​អាច​ជោគជ័យ​»។---​ដោយ Mary Kay Ash

៦) ​«​ក្នុង​នាម​ជា​សហគ្រិន​ម្នាក់ ​​អ្នក​ត្រូវ​តែ​មិន​រាថយ​ចំពោះ​ការ​បរាជ័យ​។ ​ប្រសិនបើ​អ្នក​មិន​ដួល​ទេ​ ​អ្នក​ក៏​មិន​បាន​បង្វឹក​ខ្លួន​ឯង​ឲ្យ​ខ្លាំង​គ្រប់គ្រាន់​ដែរ​«។ ---​ដោយ ​Alexa von Tobel

កែសម្រួលដោយ៖ លឺ សុខហេង