ក្រុមហ៊ុន ៤ធំៗសរុបទុនជាង ១០លានដុល្លារ នឹងមានវត្តមាននៅក្នុងតំបន់សេដ្ឋកិច្ចពិសេស ខេត្តព្រះសីហនុ និងប៉ោយប៉ែត
បន្ទាប់ពីមានសំណើរស្នើរសំវិនិយោគរបស់ក្រុមហ៊ុនគណៈកម្មាធិការតំបន់សេដ្ឋកិច្ចពិសេសកម្ពុជា ក្រុមប្រឹក្សាអភិវឌ្ឍន៍កម្ពុជា បានសម្រេចចេញនូវ "វិញ្ញាបនប័ត្រចុះបញ្ជីជាស្ថាពរ" ដល់ក្រុមហ៊ុន ធំៗ ចំនួន ៤ដែលមានទុនវិនិយោគសរុបជាង ១០លានដុល្លារ និងបង្កើតការងារបានជិត ២ពាន់កន្លែង៖
ទី១ "MASSFLAME ENERGY (CAMBODIA) CO.,LTD: គម្រោងបង្កើតជីវម៉ាសឥន្ធនៈ មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ក្រុងព្រះសីហនុ ខេត្តព្រះសីហនុ មានទុនវិនិយោគចំនួន ១លានដុល្លារអាមេរិក និងអាចបង្កើតការងារបានចំនួន ១០១កន្លែង។
ទី២ “HIRO-TECH PRODUCT (CAMBODIA) CO., LTD.”: គម្រោងបង្កើតរោងចក្រផលិតប្រអប់ផ្លាស្ទិកគ្រប់ប្រភេទ និងបង្គុំសម្ភារៈបរិក្ខារអេឡិចត្រូនិក មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសប៉ោយប៉ែត អូរនាង ខេត្តបន្ទាយមានជ័យ មានទុនវិនិយោគប្រមាណ ៣,៤៣លានដុល្លារអាមេរិក និងអាចបង្កើតការងារបានចំនួន ៧៧២កន្លែង។
ទី៣ “ HAITIAN BEVERAGE (CAMBODIA) CO., LTD.”: គម្រោងបង្កើតរោងចក្រផលិតទឹកពិសាបរិសុទ្ធ មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ក្រុងព្រះសីហនុ ខេត្តព្រះសីហនុ, មានទុនវិនិយោគចំនួន ៥,១លានដុល្លារអាមេរិកនិងអាចបង្កើតការងារបានចំនួន ៦២៨កន្លែង។
ទី៤ “SVF FIT (CAMBODIA) CO., LTD.”: គម្រោងបង្កើតរោងចក្រផលិតផលិតផលប្រដាប់ដាក់បំពង់ទឹក មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ក្រុងព្រះសីហនុ ខេត្តព្រះសីហនុ, មានទុនវិនិយោគចំនួន ៧លានដុល្លារអាមេរិកនិងអាចបង្កើតការងារបានចំនួន ១២៦កន្លែង៕
ដោយ៖ ស្រីរ័ត្ន
