កម្រងគតិបណ្ឌិតចំនួន ១០របស់ ឡៅជឺ ជាអ្នកប្រាជ្ញរបស់ចិនបុរាណនាសតវត្សទី៦
១) "គ្មានអ្វីមួយដែលទន់ស្រាលជាងឬមានភាពបត់បែនជាងទឹកនោះទេ ប៉ុន្តែក៏គ្មានអ្វីមួយដែលអាចរារាំងវាបាននោះដែរ"។
២) "ការមានជីវិតនិងការស្លាប់គឺជាខ្សែអំបោះតែមួយ គឺជាខ្សែតែមួយដែលត្រូវបានសម្លឹងចេញពីទិសផ្ទុយគ្នាតែប៉ុណ្ណោះ"។
៣) "សម្រាប់ចិត្តដែលស្ងប់នឹងថ្កល់ សកលលោកទាំងមូលនឹងចុះចាញ់គេ"។
៤) "ស្គាល់អ្នកដទៃគឺជាគតិបណ្ឌិត ស្គាល់ខ្លួនឯងគឺជាការត្រាស់ដឹង"។
៥) "នៅពេលដែលអ្នកមានសេចក្ដីសុខជាមួយនឹងកាលដែលគ្រាន់តែក្លាយជាខ្លួនឯង ហើយមិនប្រៀបធៀបឬប្រកួតប្រជែង នោះមនុស្សគ្រប់គ្នានឹងគោរពអ្នក"។
៦) "សត្រូវរបស់មនុស្សមិនមែនជាបិសាចនោះទេ តែគឺជាខ្លួនគេនោះឯង"។
៧) "ក្នុងការស្វែងរកទីជ្រកអាស្រ័យនៅ ចូររស់នៅជិតផ្ទាល់ទៅនឹងដី។ ក្នុងការគិត ចូររក្សានូវភាពសាមញ្ញ។ ក្នុងជម្លោះ ចូរមានភាពយុត្តិធម៌និងសប្បុរស។ ក្នុងការគ្រប់គ្រង ចូរកុំព្យាយាមត្រួតត្រា។ ក្នុងការបំពេញកិច្ចការងារ ចូរធ្វើនូវអ្វីដែលអ្នកពេញចិត្ត។ ក្នុងជីវិតគ្រួសារ ចូររស់នៅទាំងស្រុងក្នុងបច្ចុប្បន្នកាល"។
៨) "បើអ្នកចង់ពេញលេញ ចូរឲ្យចិត្តរបស់អ្នកទទេ"។
៩) "របស់ដែលទន់ស្រាលជាងគេបំផុតក្នុងលោក តែងតែយកជ័យជម្នះទៅលើរបស់ដែលរឹងគ្រោតគ្រាតជាងគេបំផុតក្នុងលោក"។
១០) "ជនណាដែលដឹងថាគ្រប់គ្រាន់គឺជាការគ្រប់គ្រាន់ហើយ ជននោះនឹងមានតែភាពគ្រប់គ្រាន់ជានិច្ច"។
ប្រភព៖ brainyquotes.com
ប្រែសម្រួល៖ ស្រីពៅ
