Apple នឹងចេញលក iPhone 8 ទាំងពីរម៉ូដែលស្ថិតក្នុងជំនាន់ Product RED ដែលជា iPhone ពណ៌ក្រហមទុំ។ iPhone 8 និង 8 Plus ជំនាន់ Product RED នេះនឹងមានលក់នៅថ្ងៃសុក្រទី១៣ ខែមេសានេះតទៅ។ ពេលនេះក្រុមហ៊ុនបានបើកឱ្យអតិថិជនអាចកក់ទុកមុនបានហើយ។ នេះដោយយោងតាមការបញ្ជាក់របស់ Apple នៅលើគេហទំព័រផ្លូវការ។
ជំនាន់ Product RED នៃ iPhone 8 ទាំងពីរ បែងចែកជាពីរទំហំអង្គ និងតម្លៃខុសគ្នា ។ iPhone 8 ទំហំ 64GB តម្លៃ ៦៩៩ដុល្លារ រីឯទំហំ 256GB ទំហំ ៨៤៩ដុល្លារ។ ចំណែក iPhone 8 Plus ទំហំ 64GB តម្លៃ ៧៩៩ដុល្លារ ហើយទំហំ 256GB តម្លៃ ៩៤៩ដុល្លារ។
សូមអានអត្ថបទ៖ តោះបើកប្រអប់ IPhone 7 Plus ក្រហមដែល Apple ទើបប្រកាសក្ដៅៗទៅមើល មានអ្វីខ្លះក្នុងនោះ? (Video)
iPhone ដែលស្ថិតក្នុង Product RED គឺជាជំនាន់ពិសេស special edition ត្រូវបានក្រុមហ៊ុនផលិតអមដោយសំបកក្រោយ និងគែមចំហៀងមានពណ៌ក្រហមឆ្អិន រីឯផ្ទៃមុខមានពណ៌ខ្មៅ ។ វាត្រូវបានក្រុមហ៊ុនផលិត ដើម្បីជាការលើកស្ទួយកម្មវិធីប្រយុទ្ធប្រឆាំងទៅនឹងជំងឺ HIV និង AIDS ។ នេះបើតាមការបញ្ជាក់ដោយអនុប្រធានផ្នែកទីផ្សាររបស់ Apple លោក Greg Joswiak។
អ្នកអាចស្វែងយល់ព័ត៌មានលំអិតបន្ថែមទៀតអំពី Product RED iPhone 8 និង 8 Plus ដោយចូលទៅកាន់គេហទំព័រផ្លូវការរបស់ Apple តាមតំណភ្ជាប់ Link ខាងក្រោម៕
អត្ថបទ៖ អ្នកវិភាគ៖ IPhone X Plus នឹងមានលក់ក្នុងតម្លៃ $999 ចំណែក IPhone X ថ្មីឆ្នាំនេះលក់ត្រឹម $899
ដោយ៖ រឹទ្ធិរាជ
