សារាចរណ៍ណែនាំស្តីអំពីការដាក់តាំងស្លាកយីហោ អាជីវកម្មដ្ឋានទេសចរណ៍
ដើម្បីចូលរួមក្នុងការលើកស្ទួយនូវវប្បធម៍ដ៏ល្អផូរផង់ដែលជាអត្តសញ្ញាណរបស់ខ្មែរ និងរួមចំណែកក្នុងការជួយបង្កើននូវកំណើនភ្ងៀវទេសចរណ៍អន្តរជាតិមកកាន់ប្រទេសកម្ពុជាក្នុងគោលបំណងជួយពន្លឿនដល់ការអភិវឌ្ឍន៍ប្រទេសជាតិក្រសួងទេសចរណ៍ បានដាក់ចេញនូវសារាចរណ៍ណែនាំដល់ប្រតិបត្តិករទេសចរណ៍ដែលជាម្ចាស់អាជីវកម្មរដ្ឋានទេសចរណ៍ទាំងអស់ត្រូវអនុវត្តតាមគោការណ៍ដូចខាងក្រោម៖
១) ត្រូវដាក់តាំងស្លាកយីហោជាអក្សរខ្មែរនៅខាងលើ ២) ស្លាកយីហោអាជីវម្មដ្ឋានទេសចរណ៍ត្រូវសរសេរអក្សរអង់គ្លេសបន្ទាប់ពីអក្សរខ្មែរនៅផ្នែកខាងក្រោម និងត្រូវមានទំហំមួយភាគពីរ (១/២) នៃទំហំអក្សរខ្មែរ ៣) ប្រសិនបើម្ចាស់់អាជីវកម្មទេសចរណ៍មានបំណងប្រើប្រាស់អក្សរបរទេសទី៣ អាចដាក់បាននៅផ្នែកខាងក្រោមបន្ទាប់ទៀតដោយមានទំហំអក្សរមួយភាគពីរ (១/២) នៃទំហំអក្សរខ្មែរដែរ ៤) ខ្លឹមសារដូចបានណែរនាំខាងលើ និងត្រូវអនុវត្តជាកាតព្វកិច្ចចំពោះម្ចាស់អាជីវកម្មទេសចរណ៍ទាំងអស់និងជាលក្ខខណ្ឌក្នុងការផ្ដល់អជ្ញាបណ្ឌទេសចរណ៍។
យោងតាមគោលការណ៍ខាងលើ ដែលចេញដោយក្រសួងទេសចរណ៍ សូមប្រតិបត្តិករទេសចរណ៍ទាំងអស់មេត្តាចូលរួមអនុវត្តឲ្យបានខ្ជាប់ខ្ជួន និងប្រកបដោយស្មារតីទទួលខុសត្រូវខ្ពស់ដើម្បីចូលរួមអភិរក្សនិងផ្សព្វផ្សាយនូវវប្បធម៍ខ្មែរឲ្យល្បីរន្ទឺនិងគង់វង្សសម្រាប់បន្សល់ទុកដល់កូនខ្មែរជំនាន់ក្រោយ៕
ដោយ៖ ជួប ស្រីរ័ត្ន
