ប្រទេស ១០កំណត់ពន្ធធូរលុងសម្រាប់ជនបរទេសធ្វើអាជីវកម្ម Tax Haven ខណៈអាមេរិករិះគន់គេខ្លាំងរឿងនេះជាប់លេខ ២
កាលពីថ្មីៗនេះ ប្រទេសអាមេរិកបានជាប់ចំណាត់ថ្នាក់លេខ២ លើការកំណត់ពន្ធធូរលុងសម្រាប់ជនបរទេសដែលធ្វើអាជីវកម្មនៅក្នុងទឹកដីរបស់ខ្លួន ដែលគេតែងហៅជាភាសាអង់គ្លេសថា Tax Haven។ នេះបើតាមរបាយការណ៍ដែលទើបនឹងចេញកាលពីថ្ងៃអង្គារ សប្ដាហ៍មុន ចុះផ្សាយដោយសារព័ត៌មាន Bloomberg។ ចំណាត់ថ្នាក់នេះ ធ្វើឱ្យសហរដ្ឋអាមេរិកស្ថិតនៅក្រោមចំណាត់ថ្នាក់ប្រទេសស្វីសមួយគត់។
នេះបើយោងតាម សន្ទស្សន៍សម្ងាត់ស្តីពីហិរញ្ញវត្ថុ (The Financial Secrecy Index) ដែលរៀបរៀងដោយបណ្ដាញតម្លាភាពលើការគិតពន្ធ (Tax Justice Network) ប្រទេសអាមេរិកឡើងលំដាប់មួយលេខ ដែលកាលពីឆ្នាំ២០១៥ ប្រទេសអាមេរិកជាប់ចំណាត់ថ្នាក់ទី៣ លើចំណាត់ថ្នាក់អំពី Tax Haven នេះ។
បច្ចុប្បន្ន គ្រាន់តែសេវាកម្មនៅក្រៅប្រទេសរបស់ ប្រទេសអាមេរិកមានទំហំរហូតដល់ទៅ ២២ភាគរយនៃទីផ្សារសកល ដែលពីមុនត្រឹមតែ ១៤ភាគរយតែប៉ុណ្ណោះ។
យោងតាមអង្គការតម្លាភាពនៃកម្ពុជា ពាក្យថា Tax Haven បានន័យថា: ទីកន្លែង ឬក៏ប្រទេសនានា ដែលអនុញ្ញាតឲ្យ ជនបរទេស មានសិទ្ធិក្នុងការបង់ពន្ធ លក្ខណៈធូររលុង នៅពេលដែលមានអាជីវកម្មនានា។ដូច្នេះហើយ បណ្តាទីក្រុង ឬប្រទេសទាំងអស់នោះ ជាកន្លែងប្រមូលផ្តុំ ចរាចរណ៍សេដ្ឋកិច្ច ដោយទម្លាក់អត្រាពន្ធដារ ឲ្យទាបបំផុត ឬដល់ 0។ ទន្ទឹមនឹងនេះ ប្រទេសទាំងនោះដែលជាបណ្តុំ ផ្នែកសេវាកម្មហិរញ្ញវត្ថុគ្រប់ជំពូកដែលមានដូចជា សេវាកម្មពត៌មានស្តីពីហិរញ្ញវត្ថុនានា និង សេវាកម្មជំនួយផ្លូវច្បាប់នានា។ ប៉ុន្តែនេះជាញឹកញយ ប្រទេសទាំងនេះតែងតែបដិសេធនូវ ការជាប់ពាក់ព័ន្ធផ្តល់សេវាលាក់លុយរបៀបនេះ។
ក្រៅពីសហរដ្ឋអាមេរិក ហុងកុងជាប់ចំណាត់ថ្នាក់ទី ៤ ឯប្រទេសសិង្ហបុរីជាប់លេខ៥៕
ចំណាត់ថ្នាក់ត្រូវបានគណនារាល់២ឆ្នាំម្ដង។ ហើយពិន្ទុត្រូវបានដាក់ដោយផ្នែកទៅលើប្រទេសនីមួយៗផ្ដល់សិទ្ធឲ្យមានកម្មសិទ្ធិផ្ទាល់ខ្លួនឬភាពជាដៃគូ៕
ដោយ៖ អឹុង មុយយូ
