សម្រង់សម្ដីសំខាន់ៗប្រកបដោយគតិបណ្ឌិតដ៏មានអត្ថន័យជ្រាលជ្រៅ
១) "សម្រាប់ភ្នែកដែលស្រស់ស្អាត ចូរទុកវាសម្រាប់មើលភាពល្អៗរបស់អ្នកដទៃ។ សម្រាប់បបូរមាត់ដែលស្រស់ស្អាត ចូរទុកវាសម្រាប់ពោលតែពាក្យសម្ដីទាំងឡាយណាដែលល្អៗ។ រីឯសម្រាប់តុល្យភាពវិញ ចូរដើរជាមួយនឹងការយល់ដឹងមួយថាអ្នកមិនមែននៅតែម្នាក់ឯងនោះទេ"។ Audrey Hepburn
២) "ចូរប្រុងប្រយ័ត្ននឹងចំណេះដឹងក្លែងក្លាយ ព្រោះវាមានគ្រោះថ្នាក់ជាងភាពល្ងង់ខ្លៅទៅទៀត"។ George Bernard Shaw
៣) "ខ្ញុំមានតែរបស់៣យ៉ាងប៉ុណ្ណោះសម្រាប់បង្រៀនដល់អ្នក វាជាភាពសាមញ្ញ អំណត់អត់ធន់ និងសេចក្ដីសន្ដោសមេត្តា។ របស់ទាំង៣នេះហើយដែលជារតនសម្បត្តិដ៏អស្ចារ្យបំផុតរបស់អ្នក"។ Lao Tzu
៤) "ដើម្បីទទួលបាននូវចំណេះដឹង បុគ្គលម្នាក់ត្រូវរៀនសូត្រ។ យ៉ាងណាមិញដើម្បីទទួលបាននូវបញ្ញា បុគ្គលម្នាក់នោះត្រូវរៀនសង្កេត"។ Marilyn vos Savant ៥) "ច្រកទ្វារសម្រាប់នាំទៅកាន់ប្រាសាទនៃគតិបណ្ឌិត គឺជាការចេះដឹងពីភាពអវិជ្ជាល្ងង់ខ្លៅរបស់ខ្លួនឯង"។ Benjamin Franklin
៦) "ចំណេះដឹងនិយាយ ចំណែកឯបញ្ញាជាការស្ដាប់"។ Jimi Hendrix
៧) "បុគ្គលណាដែលរស់នៅដោយចុះសម្រុងជាមួយខ្លួនឯង នឹងរស់នៅចុះសម្រុងជាមួយចក្រវាលនេះ"។ Marcus Aurelius
ប្រភព៖ brainyquote.com ប្រែសម្រួល៖ ស្រីពៅ
