បើមានសញ្ញា៣យ៉ាងនេះ បញ្ជាក់ថាអ្នកកំពុងធ្វើការងារដែលខ្លួនមិនពេញចិត្ត
ខាងក្រោមនេះ ជាសញ្ញា៣យ៉ាងដែលបញ្ជាក់ថា អ្នកកំពុងធ្វើការងារដែលខ្លួនមិនពេញចិត្ត៖
១) អ្នកចូលចិត្តពន្យារពេល៖ នៅពេលដែលអ្នកតែងតែចង់ពន្យារពេលក្នុងការធ្វើកិច្ចការអ្វីមួយនោះ មានន័យថា វាជាប្រភេទកិច្ចការដែលអ្នកមិនចូលចិត្តនោះទេ ជាហេតុនាំឲ្យអ្នកគ្មានអារម្មណ៍ថា ចង់ធ្វើទៀត។
២) គ្មានផែនការចំពោះការងារនោះ៖ ប្រសិនបើវាជាការងារដែលអ្នកស្រលាញ់ នោះអ្នកនឹងចំណាយពេលច្រើនដើម្បីគិតអំពីការបង្កើតផែនការផ្សេងៗ ដើម្បីឲ្យសម្រេចគោលដៅ។ ផ្ទុយទៅវិញ អ្នកនឹងគ្មានគំនិត ឬ ការតាំងចិត្តអ្វីក្នុងការបង្កើតជាផែនការច្បាស់លាស់នោះឡើយ ប្រសិនបើវាជាការងារដែលអ្នកមិនពេញចិត្ត។
៣) អ្នកតែងតែត្អូញត្អែរ៖ ជាធម្មតាទេ ការធ្វើអ្វីមួយដែលមិនពេញចិត្ត ទោះបីជាទទួលលទ្ធផលល្អក្តី ក៏ហាក់ដូចជាមិនសូវជាស្រួលក្នុងចិត្តនោះដែរ ហើយជាញយដងគឺតែងតែតម្អូញតម្អែរជាប់រហូត៕
