មួយ​រយៈ​ក្រោយ​នេះ​ ការ​នាំ​ចេញ​និង​ការ​នាំ​ចូល​ទំនិញ​រវាង​ប្រទេស​មហាអំណាច​សេដ្ឋកិច្ច​ទីពីរ​ក្នុង​លោក ​ចិន ​និង​ទី​មួយ សហរដ្ឋ​​អាមេរិក​​ ​​មាន​បញ្ហា​រង្គោះរង្គើរ ក្រោយ​ប្រធានាធិបតី Donald Trump ​​បាន​ដាក់​សំណើរ​លើ​ការ​យក​ពន្ធ​លើ​​ទំនិញ​ចិន​ដែល​មាន​តម្លៃ​ដល់​ទៅ​ ៦០​ពាន់​លាន់​ដុល្លារ​អាមេរិក។ ឯ​ប្រទេស​ចិន​​ក៏​បាន​​ឆ្លើយ​តប​ទៅ​នឹង​វិធានការ​នេះ​ដែរ​ ដោយ​គ្រោង​ដាក់​ពន្ធ​លើ​ទំនិញ​អាមេរិក​​​ដែរ​​តែ​មាន​តម្លៃ​ត្រឹម​តែ ៣​ពាន់​លាន​ដុល្លារ​តែ​ប៉ុណ្ណោះ។ ចំណាត់​ការ​អំពី​ការ​ដំឡើង​ពន្ធ​នេះ​ គឺ​ដោយ​សារ​តែ​រដ្ឋបាល​លោក ត្រាំ មិន​សប្បាយ​ចិត្ត​នឹង​អតិរេក​ពាណិជ្ជកម្ម​របស់​ចិន (ចិន​នាំ​ចេញ​ទៅ​សហរដ្ឋ​អាមេរិក​លើស​អាមេរិក​នាំ​ចេញ​ទៅ​ចិន) ដែល​មាន​ទំហំ ៣៧៥​ពាន់​លាន​ដុល្លារ។  បើ​ទោះ​បី​ជា​ប្រទេស​ចិន​យក​ពន្ធ​តិច​ជាង​អាមេរិក​ក្តី ប៉ុន្តែ​ប្រជាជន​អាមេរិក​បាន​ទិញ​ទំនិញ​ពី​​ចិន​ច្រើន​ជាង​ប្រជាជន​ចិន​ទិញ​ទំនិញ​ពី​អាមេរិក​ ដែល​នេះ​ធ្វើ​ឲ្យ​លោក​​ប្រធានាធិបតី Donald Trump ​​មិន​សប្បាយ​ចិត្ត​និង​​ចោទ​ប្រកាន់​ថា​​ ការ​ប្រកួតប្រជែង​​នេះ​​គ្មាន​យុត្តិធម៌។ [caption id="attachment_51912" align="aligncenter" width="728"] ពាណិជ្ជកម្ម​រវាង​អាមេរិក និង​ចិន​ (ប្រភព៖ Reuters)[/caption] [caption id="attachment_51913" align="aligncenter" width="710"] ទំនិញ​ដែល​សហរដ្ឋ​អាមេរិក​នាំ​ចូល​ពី​ចិន​ (ប្រភព៖ Reuters)[/caption] ​​សង្គ្រាម​​ពាណិជ្ជកម្ម​​រវាង​ប្រទេស​មហាអំណាច​ទាំង​ពីរ​នេះ ច្បាស់​ណាស់​ថា​ ​អាច​ប៉ះពាល់​ដល់​វិបត្តិសេដ្ឋកិច្ច​ទាំង​មូល​។ បន្ថែម​ពី​លើ​នេះ រដ្ឋមន្ត្រី​ពាណិជ្ជកម្ម​ចិន​ក៏​​លើក​ឡើង​ដែរ​ថា​ ៖««​ប្រទេស​ចិន​មិន​ចង់​​មាន​ខ្លួន​នៅ​ក្នុង​សង្គ្រាម​ជំនួញ​នេះ​​នោះ​ទេ ​ហើយ​​ប្រទេស​ចិន​ ក៏​ខ្លាច​​សង្គ្រាម​នេះ​ផង​ដែរ»៕ ដោយ៖ អឹុង មុយយូ