សម្រាប់អ្នកដែលមិនទាន់បាត់រំជើបរំជួលនឹងព្រឹត្តិការណ៍ប្រកាសស្មាតហ្វូនថ្មីរបស់ Huawei ម្សិលមិញ ពេលនេះ P20 ទាំងពីរម៉ូដែល ត្រូវបានដាក់ឱ្យបញ្ជាទិញមុនបានហើយ គឺនៅលើគេហទំព័រ Vadafone UK ។ សម្រាប់ការកុម្ម៉ង់ Huawei P20ត្រូវកង់នូវទឹកប្រាក់ ៩ផោន ឬ ១២,៦៥ដុល្លារ ខណៈដែល P20 Pro ស្មាតហ្វូនកាមេរ៉ា 40MP ត្រូវកក់ ៤៩ផោនឬប្រហែល ៦៨,៨៨ដុល្លារ។
នេះជាការដាក់ឱ្យបញ្ជាទិញដ៏ពិសេស នៅមុនកាលបរិច្ឆេទចេញលក់ថ្ងៃទី៦ ខែមេសាខាងមុខ ហើយអ្នកនឹងទទួលបានការបន្ថែមជូនកាស Bose QuietConfort 35 II (ពណ៌ខ្មៅ) ដោយឥតគិតថ្លៃថែមទៀត។
ក្រុមហ៊ុន Vadafone មានកម្មវិធីប្រូមូសិនពិសេស២ ដែលអ្នកអាចទទួលបានការប្រើប្រាស់សេវាអ៊ីនធឺណិតធំជាងគម្រោងធម្មតាគុណនឹង៤ ។ ប៉ុន្តែនឹងមិនមានគ្រប់ជម្រើសពណ៌ឡើយ។ សម្រាប់ Carphone Warehouse ក៏មានការដាក់ឱ្យ Pre-Ordere ដូចគ្នាដែរ។ ក្រុមហ៊ុននឹងផ្ដល់ជម្រើសពណ៌ខែដូចគ្នា និងហ្វ្រីស៊ីមទូរស័ព្ទមួយឥតគិតថ្លៃ។ ស្មាតហ្វូនទំនើប P20 និង P20 Pro នឹងត្រូវចែកចាយលក់នៅលើទីផ្សារមួយចំនួនចាប់ពីថ្ងៃទី៦ ខែមេសាខាងមុខ៕
ដោយ៖ រឹទ្ធិរាជ
ប្រភព៖ gsmarena
