​តើ​អ្វី​ទៀត ដែល​អាច​យក​ឈ្នះ​កាមេរ៉ា​ភ្លោះ​នៅ​លើ​ស្មាតហ្វូន​នោះ ? ផ្អែក​តាម​គោលគំនិត​សម​ហេតុ​ផល​បែប​តក្ក​របស់ Huawei ​ចម្លើយ គឺ​ប្រាកដ​ជា​ ស្មាតហ្វូន​កាមេរ៉ា​លើស​ពី​២ គឺ​មាន​ដល់ ៣ ។ ក្រុមហ៊ុន Huawei នៅ​ក្នុង​ព្រឹត្តិការណ៍​បង្ហាញ​សមិទ្ធផល​ថ្មីៗ​របស់​ខ្លួន​ក្នុង​ទីក្រុង​ប៉ារីស​សប្ដាហ៍​នេះ បាន​ប្រកាស​ចេញ​ស្មាតហ្វូន​កំពូល​ថ្មី​ទៀត​ហើយ គឺ​ម៉ូដែល P20 Pro ​ដែល​មាន​ប្រព័ន្ធ​កាមេរ៉ា​៣ ​នៅ​ខាង​ក្រោយ ជា​បច្ចេកវិទ្យា​របស់​ក្រុមហ៊ុន Leica អម​ជាមួយ​កម្រិត Pixel សរុប​ខ្ពស់​ជាង​ស្មាតហ្វូន​ទាំង​អស់​នាពេល​បច្ចុប្បន្ន។

ប្រព័ន្ធ​កាមេរ៉ា Leica ​ទំនើប​នៅ​លើ​​ស្មាតហ្វូន​ស៊េរី​ថ្មី​របស់​ក្រុមហ៊ុន​ចិន​នេះ បាន​ភ្ជាប់​មក​ទំហំ sensor ​ផ្សេងៗ​គ្នា​រួម​មាន 40MP ​RGB sensor + 20MP monochrome sensor + 8MP sensor ជាមួយ​កម្រិត aperture f/1.8, f/1.6 និង f/2.4 រៀង​គ្នា។ វា​ក៏​មាន​ជា​ប្រភេទ color temperature sensor ​ផង​ដែរ ដើម្បី​បង្កើន​សមត្ថភាព​ផលិត​ពណ៌ ហើយ Leica 3x telephoto lens (VARIO-SUMMILUX-H 1:1.6-2.4/27-80ASPH) ​ក្នុង​ការ​បន្ថែម​គុណភាព​លើ​កាមេរ៉ា​មុខ ដែល​មាន​ទំហំ​ដល់ 24MP ជាមួយ aperture f/2.0 ។

តាម​លទ្ធផល​ធ្វើតេស្ត​សមត្ថភាព​កាមេរ៉ា​ដោយ​ DxOMark ​ស្មាតហ្វូន P20 Pro ទទួល​បាន​ពិន្ទុ​សរុប ១០៩ ដែល​ជា​ពិន្ទុ​ខ្ពស់​ជាង​ស្មាតហ្វូន​នានា​លើ​ពិភពលោក​នាពេល​បច្ចុប្បន្ន។ ជាមួយ​ពិន្ទុ​សរុប ១០៩ ធ្វើឱ្យ​ស្មាតហ្វូន Huawei P20 Pro ​នេះ យក​ឈ្នះ​សមត្ថភាព​កាមេរ៉ា​លើ iPhone X, Google Pixel 2 និង Galaxy S9 Plus ទៅ​ទៀត ពោល​គឺ​ខ្ពស់​ជាង Galaxy S9 Plus ១០ពិន្ទុ។ https://youtu.be/dRd8EmY5MdU ​P20 Pro ​មាន​អេក្រង់ ៦,១អ៊ីញ​ប្រភេទ OLED ជាមួយ​កម្រិត resolution 2240x1080px ​ហើយ​ប្រើ​ឈីប Kirin 970 octa-core processor (4 Cortex-A73 core ​ល្បឿន 2.36GHz និង 4 Cortex-A53 ​ល្បឿន 1.8GHz) មាន RAM 6GB និង​អង្គ​ចងចាំ​ទំហំ 128GB។ ស្មាតហ្វូន​កាមេរ៉ា​ក្រោយ៣ គ្រាប់​ដំបូង​របស់ Huawei នេះ មាន​កម្លាំង​ថ្ម 4000mAh ​តែ​គ្មាន​មុខងារ​សាក​ថ្ម​ឥត​ខ្សែ​ទេ។ វា​ប្រើ​ផ្ទៃ​សូហ្វ៊ែរ​ជំនាន់ EMUI ​របស់ Huawei ផ្ទាល់ ដែល​ផ្អែក​លើ​ប្រព័ន្ធ Android 8.1 Oreo ។

ប្រសិន​ចំណុច​ទាំង​នេះ នៅតែ​មិន​ទាន់​គ្រប់គ្រាន់​សម្រាប់​លោក​អ្នក មិន​ទាន់​អាច​ធ្វើ​ឱ្យ​អ្នក​រំភើប​ទៀត​នោះ Huawei ថែមទាំង​បាន​ប្រកាស​ស្មាតហ្វូន​កំពូល​ថ្មី​ចុងក្រោយ​មួយ​ទៀត​ដែល​ជា​ជំនាន់ Porsche Design Mate RS មាន​កម្រិត resolution ដល់ 2880x1440px ​និង​ត្រូវ​បាន​ដក​ចំណុច​ឆក notch ​ចេញ​វិញ ​ហើយ​មាន​អង្គ​ចងចាំ​រហូត​ដល់ 512GB ​និង​មាន​បច្ចេកវិទ្យា​សាកថ្ម​ឥត​ខ្សែ wireless charging ​រួម​ទាំង​ fingerprint sensor បង្កប់​ក្នុង​កញ្ចក់​អេក្រង់​តែម្ដង។

Huawei P20 Pro នឹង​មាន​លក់​ចាប់ពី​ថ្ងៃ​នេះ​ក្នុង​តម្លៃ ៨៩៩អឺរ៉ូ​ឬ​ប្រហែល ១១១៥ដុល្លារ ប្រសិន​អ្នក​ចង់​បាន​ម៉ូដែល​កប់​ឌីហ្សាញ​ស្ទីល​រថយន្ត Porsche ​គឺ​ត្រូវ​ចំណាយ​ខ្ពស់​ជាង​នេះ​ដល់ ២០៩៥អឺរ៉ូ (សម្រាប់​ម៉ូដែល 512GB) ឬ​ប្រហែល ២៦០០ដុល្លារ ដែល​នឹង​មាន​លក់​ចាប់ពី​ថ្ងៃ​ទី១២ ខែ​មេសា​ខាង​មុខ៕ [caption id="" align="aligncenter" width="3648"] Huawei P20 Pro[/caption]   [caption id="" align="aligncenter" width="4032"] Apple iPhone X[/caption]   [caption id="" align="aligncenter" width="4032"] Google Pixel 2[/caption]

---

[caption id="" align="aligncenter" width="2736"] Huawei P20 Pro[/caption]   [caption id="" align="aligncenter" width="3024"] Apple iPhone X[/caption]   [caption id="" align="aligncenter" width="3024"] Google Pixel 2[/caption]

---

[caption id="" align="aligncenter" width="3648"] Huawei P20 Pro (Bokeh mode - indoor and low light conditions)[/caption]   [caption id="" align="aligncenter" width="4032"] Apple iPhone X (Bokeh mode - indoor and low light conditions)[/caption]   [caption id="" align="aligncenter" width="4032"] Google Pixel 2 (Bokeh mode - indoor and low light conditions)[/caption]   https://youtu.be/FSTJ6SCyUfs   សម្រាប់​ការ​ប្រៀបធៀប​លំអិត​ផ្សេង​ទៀត​ លោក​អ្នក​អាច​ចូល​ទៅ​កាន់​គេហទំព័រ dxomark ​ដោយ​ចុច​លើ​ តំណភ្ជាប់ Link នេះ ... ដោយ៖ រឹទ្ធិរាជ ប្រភព៖ techspot