រាជធានីភ្នំពេញ នឹងដំឡើងភ្លើងស្តុបចំនួន១០០កន្លែងនៅខែ កុម្ភៈខាងមុខ
ភ្លើងស្តុបចំនួន១០០កន្លែង នឹងត្រូវដំឡើងនៅក្នុងរាជធានីភ្នំពេញ ក្នុងទិសដៅដើម្បី ជួយកាត់បន្ថយដល់បញ្ហាចរាចរណ៍របស់ប្រជាពលរដ្ឋ។ នេះបើយោងតាមការចុះផ្សាយរបស់ទីភ្នាក់ងារសារព័ត៌មានកម្ពុជា (AKP) កាលពីថ្ងៃពុធទី១៣ម្សិលមិញ។
គម្រោងនេះ ធ្វើឡើងដោយមានកិច្ចសហការពី អង្គការJICA របស់ជប៉ុន ហើយដោយប្រកាសឲ្យដឹងកាលពីថ្ងៃទី១៣កន្លងទៅ តាមរយៈ ឯកឧត្ដម ប៉ា សុជាតិវង្ស អភិបាលរាជធានីភ្នំពេញ នៅក្នុងអង្គប្រជុំជាមួយគ្រប់មន្ត្រី និង ក្រុមការងារមន្ទីរសាធារណការរាជធានីភ្នំពេញដែលពាក់ព័ន្ធ និង តំណាងអង្គការ Jica ក្រុមហ៊ុនកុងស៊ុលតង់ Mets និង ក្រុមហ៊ុនម៉ៅការសាងសង់ Mitsubishi Corporation។
អង្គការJIC នឹងអនុវត្តគម្រោងតំឡើងភ្លើងស្តុបថ្មីនេះ នៅខែកុម្ភៈខាងមុខ ក្រោយពីបានចំណាយពេលសិក្សាលម្អិតចាប់តាំងពីខែមេសា ដល់ខែសីហាឆ្នាំ២០១៥ កន្លងទៅ៕
ដោយ៖ រតនា វិចិត្រ
