គតិចំនួន៥ពីអ៊ីសាក់ ញូតុន អ្នកប្រាជ្ញវិទ្យាសាស្ត្រក្នុងសតវត្សទី១៧
អ្នកប្រាកដជាធ្លាប់ស្គាល់មកហើយពីកិត្តិសព្ទដ៏ល្បីល្បាញរបស់អ្នកប្រាជ្ញ អ៊ីសាក់ ញូតុន ដែលបានបន្សល់ទុកនូវស្នាដៃទ្រឹស្ដីវិទ្យាសាស្ត្រដែលត្រូវបានគេស្គាល់ថា ច្បាប់ទំនាញសកល ដែលមានរយៈកាលអស់ជាង២សតវត្សមកទល់បច្ចុប្បន្ន។ តើគាត់មានគតិអ្វីខ្លះដែលអ្នកអាចរៀនសូត្រពីគាត់បាន ?
១) "បើសិនជាខ្ញុំអាចមើលឃើញបានវែងឆ្ងាយ នេះក៏ដោយសារតែខ្ញុំបានឈរនៅលើស្មារបស់យក្សនេះឯង"។
២) "អ្វីដែលពួកយើងដឹងគ្រាន់តែជាទឹកតែមួយដំណក់ប៉ុណ្ណោះ ចំណែកឯអ្វីដែលពួកយើងមិនដឹងវិញប្រៀបបាននឹងមហាសមុទ្រដូច្នោះឯង"។
៣) "ការពិតនឹងតែងតែត្រូវបានរកឃើញនៅក្នុងភាពសាមញ្ញ ពុំមែននៅក្នុងពហុភាពនិងភាពស្មុគស្មាញយ៉ាងភ័ន្តច្រឡំរបស់អ្វីទាំងនោះឡើយ"។
៤) "ចូររស់នៅជីវិតរបស់អ្នកឲ្យដូចជាសេចក្ដីឧទានជាជាងដូចជាសេចក្ដីពន្យល់បកស្រាយ"។
៥) "បើសិនជាខ្ញុំបានរកឃើញរបកគំហើញដែលមានតម្លៃទាំងឡាយ នោះក៏ដោយសារតែការផ្ចង់ស្មារតីយ៉ាងអត់ធ្មត់របស់ខ្ញុំជាជាងមកពីទេពកោសល្យអ្វីផ្សេងពីនេះ"។
ប្រភព៖ goalcast.com ប្រែសម្រួល៖ ស្រីពៅ
