ដំបូន្មានអាជីវកម្មចំនួន ៣ ពីលោក Darren Hardy អតីតអ្នកចេញផ្សាយទស្សនាវដ្ដី SUCCESS magazine
លោក Darren Hardy គឺជាអ្នកនិពន្ធមួយរូបរបស់អាមេរិក ជាវាគ្មិនដ៏ល្បីឈ្មោះមួយរូប ហើយក៏ជាអតីតអ្នកចេញផ្សាយទស្សនាវដ្ដីដែលមានឈ្មោះថា SUCCESS magazine ផងដែរ។
ប៉ុន្តែលោកក៏មានដំបូន្មានមួយចំនួនសម្រាប់សហគ្រិនជំនាន់ក្រោយចងចាំទុកដែរ ហើយខាងក្រោមនេះ គឺជាដំបូន្មានសំខាន់ៗចំនួន ៣ របស់គាត់។ នេះបើយោងតាមការចុះផ្សាយរបស់ success.com៖
១) កុំភ្លេចពីមូលហេតុដំបូងរបស់អ្នកឲ្យសោះ៖ នៅក្នុងដំណើរអាជីវកម្ម អ្នកប្រាកដជាត្រូវឆ្លងកាត់បញ្ហាជាច្រើនដែលមានបញ្ហាមួយចំនួនអាចនឹងផ្លាស់ប្ដូរចិត្តគំនិតរបស់អ្នកឲ្យងាករេបាន។ ហេតុនេះអ្នកត្រូវតែមានគោលជំហររឹងមាំជានិច្ច និងដាស់តឿនរំលឹកខ្លួនឯងពីមូលហេតុដំបូងដែលនាំឲ្យអ្នកចាប់ផ្ដើមអាជីវកម្មមួយនោះឡើង។
២) ចូរព្យាយាមស្វែងរកឲ្យឃើញនូវសក្ដានុពលពិតប្រាកដដែលអ្នកមាន៖ មនុស្សម្នាក់ៗសុទ្ធតែមាននូវសក្ដានុពលអ្វីម្យ៉ាងដែលអាចឲ្យពួកគេសម្រេចនូវភាពអស្ចារ្យសម្រាប់ជីវិតរបស់ខ្លួនឯង។ អ្នកក៏ដូចគ្នាដែរ។ អ្នកត្រូវព្យាយាមស្វែងរកនូវសក្ដានុពលឬសមត្ថភាពពិសេសរបស់អ្នក បន្ទាប់មកខិតខំដុសខាត់សំលៀងវាជានិច្ចដើម្បីប្រើប្រាស់បង្កើតជាប្រយោជន៍ធំធេង។
៣) ធ្វើនូវរឿងដែលត្រឹមត្រូវ៖ អ្នកអាចមានទេពកោសល្យខ្លាំងពូកែជាងអ្នកដទៃទៀត ប៉ុន្តែអ្នកត្រូវចាំថាឥរិយាបថរបស់អ្នក អត្តចរិតខាងក្នុងដែលជាធាតុពិតរបស់អ្នក គឺជាគុណតម្លៃសម្រាប់អ្នកក្នុងនាមជាសហគ្រិនមួយរូប។ ហេតុនេះចូរដាស់តឿនខ្លួនឯងថាកុំភ្លេចនូវតម្លៃរបស់ខ្លួន ហើយបាត់បង់មនសិការនិងគុណធម៌ឲ្យសោះ៕
ដោយ៖ ស្រីពៅា
