បិតារូបវិទ្យា និងអ្នកស្រាវជ្រាវ លោក Stephen Hawking បានទទួលមរណៈភាពក្នុងវ័យ ៧៦ឆ្នាំ
បិតារូបវិទ្យា និង អ្នកស្រាវជ្រាវលោក Stephen Hawking ដែលជាម្ចាស់សៀវភៅ A brief history of time និងមានស្នាដៃរកឃើញទ្រឹស្ដីទាក់ទងទៅនឹងរន្ធខ្មៅ ( Black hold) ក្នុងលំហអាកាស បានទទួលមរណៈភាពនៅព្រឹកថ្ងៃទី១៤ ខែមីនា ឆ្នាំ២០១៨នេះ។ នេះបើយោងតាមការផ្សព្វផ្សាយព័ត៌មានអន្តរជាតិ BBC។
បើទោះបីជាលោក Stephen Hawking ពិការ មិនអាចដើរបាន មិនអាចនិយាយបាន ប៉ុន្តែលោកនៅតែជឿជាក់ថាមនុស្សគ្រប់រូបមានឱកាសជោគជ័យលើផ្នែកណាមួយ។ កន្លងមក បើទោះបីជាជីវិតរបស់លោកជួបឧបសគ្គខ្លាំងយ៉ាងណាក៏ដោយ លោកមិនដែលបោះបង់ការព្យាយាមនោះទេ។
ពេលដែលលោក Stephen Hawking អស់សង្ឃឹមក្នុងជីវិត លោកតែងតែសម្លឹងទៅលើដើម្បីរកក្ដីសង្ឃឹម មិនមែនមើលក្រោមហើយមិនហ៊ានបន្តដំណើរទៅមុខនោះទេ៕
ដោយ៖ អឹុង មុយយូ
