ក្រុមហ៊ុន​រថយន្ត Ford ​ថ្មីៗ​នេះ​បាន​ប្រកាស​ឱ្យ​ដឹង​ជា​សាធារណៈ​ថា នឹង​បន្ថែម​ស៊េរី​រថយន្ត Mustang ជំនាន់ edition ​ពិសេស​សម្រាប់​ដាក់​ឱ្យ​ចរាចរ​នៅ​លើ​ទីផ្សារ​ក្នុង​ឆ្នាំ២០១៩ ខាង​មុខ។ Ford Mustang ជំនាន់ special edition ​នេះ នឹង​បំពាក់​ជាមួយ​ម៉ាស៊ីន 5.0L ​កម្លាំង ៤៦០សេះ ​កម្លាំង​រមូល ៤៧០ញូវតុនម៉ែត្រ​ប្រភេទ V8 engine។ https://youtu.be/Ny3yocV_B4A ល្បឿន​អតិបរមា​នៅ​លើ​រថយន្ត​ស៊េរី​ថ្មី​របស់​ក្រុមហ៊ុន​អាមេរិក​នេះ​គឺ ២៥០គីឡូម៉ែត្រ/ម៉ោង ហើយ​ប្រើ​ចង្កឹះ​លេខ ៦លេខ។ វា​ជា​រថយន្ត​ជំនាន់​ពិសេស​សម្រាប់​ដាក់​ឱ្យ​ចរាចរ​នៅ​លើ​ទីផ្សារ​រដ្ឋ​កាលីហ្វ័រញ៉ា (California Special)។ រថយន្ត​ថ្មី​នេះ ត្រូវ​បាន​រចនា​រូបរាង​ទាន់សម័យ ស័ក្ដិសម​សម្រាប់​យុវវ័យ​សម័យ​ថ្មី ជា​រថយន្ត​បើក​ដំបូល​លើ។

ផ្នែក​ខាង​ក្នុង​រថយន្ត សង្កេត​ឃើញ​វា​បំពាក់​ដោយ​កៅអី​ខ្មៅ​បែប Miko suede-trimmed seat រំលេច​ដោយ​អក្សរ GT/CS និង​មាន​ថ្នេរ​ក្រហម​មើល​ទៅ​ពិត​ជា​ទាន់សម័យ​ផ្ដល់​អារម្មណ៍​ជា​រថយន្ត​ទំនើប​មួយ​ក្នុង​ពេល​បច្ចុប្បន្ន និង​អនាគត។ ​ក្រុមហ៊ុន Ford បាន​បញ្ជាក់​ជម្រើស​ពណ៌​ថ្មី​មាន​នៅ​លើ​រថយន្ត Mustanges ស៊េរី​ឆ្នាំ​២០១៩ របស់​ខ្លួន គឺ​មាន​ពណ៌​ខៀវ Velocity Blue និង​មាន​បៃតង​ផង​ដែរ។ ស៊េរី​រថយន្ត Mustang ម៉ូដែល​ឆ្នាំ២០១៩ នេះ​នឹង​ត្រូវ​ដាក់​ឱ្យ​ចរាចរ​លើ​ទីផ្សារ​ចាប់ពី​រដូវ​ក្ដៅ​ (អំឡុង​ខែ មិថុនា កក្កដា និង​ខែ​សីហា) ឆ្នាំ២០១៨ នេះ៕ ​ដោយ៖ រឹទ្ធិរាជ ប្រភព៖ Ford