Honda ​ធ្លាប់​បាន​និយាយ​ឱ្យ​ដឹង​ជា​សាធារណៈ​ថា ខ្លួន​មាន​បំណង​ចេញ​លក់​រថយន្ត Urban EV Concept ​របស់​ខ្លួន​នៅ​អំឡុង​ឆ្នាំ២០១៩ ខាង​មុខ ហើយ​ពេល​នេះ ក្រុមហ៊ុន​បច្ចេកវិទ្យា​ជប៉ុន​នេះ បាន​ធ្វើការ​ប្រកាស​ជា​ថ្មី​ម្ដង​ទៀត អំពី​កាលបរិច្ឆេទ​នឹង​ដាក់​ឱ្យ Pre-Order ​រថយន្ត​អគ្គិសនី​ស៊េរី​ថ្មី Urban ​នេះ​ហើយ។ ក្រុមហ៊ុន Honda ​ថ្មីៗ​នេះ​បាន​ប្រកាស​ឱ្យ​ដឹង​ថា នឹង​ចាប់ផ្ដើម​ដាក់​ឱ្យ​បញ្ជា​ទិញ​រថយន្ត​អគ្គិសនី retro ​តូច​ច្រឡឹង​របស់​ខ្លួន​នៅ​ដើម​ឆ្នាំ២០១៩ ​ហើយ​នឹង​មាន​លក់​នៅ​លើ​ទីផ្សារ​អឺរ៉ុប​នៅ​ចុង​ឆ្នាំ២០១៩។ ទោះជា​យ៉ាងណា ក្រុមហ៊ុន​មិន​បាន​បញ្ជាក់​ឱ្យ​ដឹង​ពី​ទីផ្សារ​ដែល Urban EV នឹង​បង្ហាញ​វត្តមាន​នៅ​ឡើយ ហើយ​ក្រុមហ៊ុន​ក៏​មិន​ទាន់​បាន​បញ្ចេញ Sport EV concept ​នេះ​នៅ​ឡើយ​ដែរ។ វា​ហាក់​ដូច​ជា ក្រុមហ៊ុន​រថយន្ត​ជប៉ុន​ដ៏​ល្បី​ឈ្មោះ​មួយ​នេះ កំពុង​នាំ​យក​បច្ចេកវិទ្យា​មុនៗ​មួយ​ចំនួន មក​បញ្ចូល​នៅ​លើ​រថយន្ត​សម័យ​ថ្មី​របស់​ខ្លួន​ទៅ​វិញ។ ជាមួយ​រចនាបថ​កូន​រថយន្ត​អគ្គិសនី​ថ្មី​នេះ អតិថិជន​មួយ​ចំនួន​ ប្រហែល​នឹង​មិន​បាច់​គោលដៅ​ចង់​ធ្វើ​ជា​ម្ចាស់​របស់​វា​ឡើយ ព្រោះ​វា​មាន​ការ​ឌីហ្សាញ​បែប​សម័យ​កាត់​បុរាណ យ៉ាងណា​ក៏​ប្លែកភ្នែក​ល្មម​អាច​ទាញ​ចំណាប់អារម្មណ៍​ពី​មហាជន​បាន៕ ដោយ៖ រឹទ្ធិរាជ ប្រភព៖  engadget