​ដៃគូ​ប្រកួតប្រជែង​ដ៏​ខ្លាំងក្លា​ទៅ​នឹង​រថយន្ត Model X SUV ​របស់ Tesla ទើបតែ​បង្ហាញ​ខ្លួន​ថ្មីៗ​នេះ ដែល​ជា​រថយន្ត​អគ្គិសនី Jaguar I-Pace SUV ​ស៊េរី​ឆ្នាំ២០១៩។ រថយន្ត I-Pace SUV ​របស់​ក្រុមហ៊ុន​អង់គ្លេស​នេះ​ត្រូវ​បាន​ផលិត​យក​តាម​រចនាបថ​គំរូ​រថយន្ត​ដំបូង​ដែល​បង្ហាញ​តាំងពី​ឆ្នាំ២០១៦ ។

Juguar I-Pace SUV ​ជា​រថយន្ត​កៅអី​៥ ​ដំណើរការ​ដោយ​ម៉ូទ័រ​អគ្គិសនី​ចំនួន២ ផលិត​ថាមពល ៣៩៤សេះ ជាមួយ​កម្លាំង​រមូល ៦៩៥ញ៉ូវតុនម៉ែត្រ និង​មាន​ល្បឿន​សន្ទុះ​ពី ០ ទៅ ៦០ម៉ាយល៍ ​ប្រើ​ពេល​តែ ៤,៥វិនាទី។ វា​ប្រើ​អាគុយ 90kW ​ដែល​អាច​បើក​បាន​ដល់ ២៤០ម៉ាយល៍ ឬ​ប្រហែល ៣៨៦គីឡូម៉ែត្រ/ម៉ោង។ អាគុយ​របស់​វា អាច​សាក​ភ្លើង​ឡើង​បាន ៨០% ប្រើ​ពេល ៤០នាទី​ជាមួយ​ដុំ​សាក​លឿន 100kW DC fast charger ។ https://youtu.be/cF1kPptiKfI Jaguar I-Pace SUV ​បាន​បំពាក់​ដោយ​បច្ចេកវិទ្យា​ទំនើប​ចុងក្រោយ​មាន​រចនាបថ​ទាន់សម័យ​ទាំង​ផ្នែក​ខាង​ក្នុង និង​ខាង​ក្រៅ​រថយន្ត ។ ផ្នែក​ខាង​ក្នុង​ត្រូវ​បាន​បំពាក់​អេក្រង់ dual-screen ​InControl Touch Pro Duo ដែល​ជា​ប្រព័ន្ធ infotainment ​ដែល​ធ្លាប់​មាន​នៅ​លើ​រថយន្ត Range Rover Velar ។ I-Pace ​នឹង​ត្រូវ​បង្ហាញ​ផ្លូវការ​នៅ​ក្នុង​ពិព័រណ៍​រថយន្ត Geneva Motor Show ​ឆ្នាំ២០១៨ ដែល​នឹង​ប្រារព្ធ​ធ្វើ​នៅ​ថ្ងៃ​ទី៦ ​មីនា ស្អែក​នេះ៕

  ដោយ៖ រឹទ្ធិរាជ ប្រភព៖ techspot