សម្រង់ឃ្លាចំនួន៨ពីបុគ្គលជោគជ័យដែលបានតស៊ូជាមួយឧបសគ្គក្នុងជីវិត
១) "បើទោះជាខ្ញុំមិនអាចផ្លាស់ប្ដូរទិសដៅរបស់ខ្យល់បក់បាន ប៉ុន្តែខ្ញុំអាចសម្របទូករបស់ខ្លួនឯងដើម្បីឆ្ពោះទៅដល់គោលដៅរបស់ខ្ញុំបាន"។ Jimmy Dean
២) "អ្នកឈ្នះគឺជាអ្នកដែលមានក្ដីសុបិនតែមិនព្រមបោះបង់"។ Nelson Mandela
៣) "ចូរមានអំណរគុណចំពោះរាល់អ្វីដែលអ្នកមាន នោះអ្នកនឹងមានអ្វីៗច្រើនជាងមុន។ បើអ្នកផ្ដោតតែទៅលើអ្វីដែលអ្នកមិនមាន នោះអ្នកនឹងមិនចេះឆ្អែតឆ្អន់ស្កប់ស្កល់នោះឡើយ"។ Oprah Winfrey
៤) "ការបរាជ័យមិនអាចយកឈ្នះលើខ្ញុំបាននោះឡើយ ដរាបណាការប្ដេជ្ញាចិត្តរបស់ខ្ញុំដើម្បីសម្រេចជោគជ័យមានភាពរឹងមាំគ្រប់គ្រាន់នោះ"។ Og Mandino ៥) "អ្នកមិនមែនចេះតែអាចផ្ដួលមនុស្សដែលមិនព្រមបោះបង់ដោយងាយៗបាននោះឡើយ"។ Babe Ruth
៦) "វានឹងតែងតែមាននូវឧបសគ្គ។ វានឹងតែងតែមាននូវមនុស្សដែលសង្ស័យទៅលើអ្នក។ វានឹងតែងតែមាននូវកំហុសទាំងឡាយដែលអ្នកនឹងអាចសាង។ ប៉ុន្តែដោយមានការខិតខំប្រឹងប្រែង នោះគ្មានឡើយដែនកំណត់"។ Michael Phelps
៧) "កុំវាយតម្លៃថ្ងៃនីមួយៗរបស់អ្នកជាមួយនឹងទិន្នផលដែលអ្នកប្រមូលបាន តែជាមួយនឹងគ្រាប់ពូជដែលអ្នកបានបណ្ដុះវិញ"។ Robert Louis Stevenson
៨) "ឆាកជីវិតគឺជាដំណើរផ្សងព្រេងដ៏ក្លាហានមួយឬក៏មិនមែនជាអ្វីទាំងអស់"។ Helen Keller
ប្រភព៖ goalcast ប្រែសម្រួល៖ ស្រីពៅ
