​ក្រុមហ៊ុន Xiaomi ​បាន​កំណត់​កាលបរិច្ឆេទ​ថ្ងៃ​ទី២៧-មីនា ចុង​ខែ​នេះ សម្រាប់​សម្ពោធ​ស្មាតហ្វូន​ទំនើប​ស៊េរី​ថ្មី​ខ្លួន​គឺ Mic Mix 2s ។ លក្ខណៈ​សម្បត្តិ​ច្បាស់​ការណ៍​មួយ​នៅ​លើ Mi Mix 2s ​គឺ​បំពាក់​ឈីប Snapdragon 845 ​ព្រោះ​ត្រូវ​ក្រុមហ៊ុន​អះអាង​នៅ​ក្នុង​រូប Poster ផ្លូវការ​មួយ។ យោង​តាម​រូប​ដែល​ទើបតែ​បែកធ្លាយ​នេះ​វិញ បាន​បង្ហាញ​ឱ្យ​ឃើញ​រចនាបថ​ឌីហ្សាញ​ថ្មី ដោយ​បង្កប់ fingerprint scanner នៅ​ពី​ក្រោម​អេក្រង់​វិញ។

ប្រសិន​នេះ​ជា​រូបថត​ពិត នោះ​មាន​ន័យ​ថា​បច្ចេកវិទ្យា​ស្កេន​ក្រយៅដៃ​លើ​ស្មាតហ្វូន​គែម​ស្ដើង​នេះ នឹង​ត្រូវ​បង្កប់​ចូល​ទៅ​ក្រោម​ស្រទាប់​កណ្ដាល​នៃ​កញ្ចក់​អេក្រង់។ Mi Mix 2s ​ថែមទាំង​មាន​ចចាមអារ៉ាម​កន្លង​មក​ថា នឹង​បំពាក់​ដោយ​អេក្រង់​ទំហំ ៦,០១អ៊ីញ​ប្រភេទ OLED screen ​និង​មាន sensor កាមេរ៉ា​ IMX363 ​ដែល​បច្ចុប្បន្ន​ឃើញ​មាន​នៅ​លើ​ស្មាតហ្វូន​ចុងក្រោយ ZenFone 5 ​របស់​ក្រុមហ៊ុន Asus ៕ ​ដោយ៖ រឹទ្ធិរាជ ប្រភព៖ gsmarena