លោកមហាសេដ្ឋី Bill Gates ព្រមទាំងភរិយាលើកឡើងថា មិនយុត្តិធម៌ទេដែលខ្លួនមានទ្រព្យសម្បត្តិដល់ថ្នាក់នេះ
គិតមកត្រឹមឆ្នាំ២០១៨ នេះ លោក Bill Gates គឺជាមហាសេដ្ឋីមានទ្រព្យសម្បត្តិច្រើនបំផុតក្នុងលោកលំដាប់ទី ២។ លោកនិងភរិយាត្រូវបានគេចាត់ទុកថា ជាមនុស្សមានឥទ្ធិពលបំផុតក្នុងកិច្ចការមនុស្សធម៌នៅទូទាំងពិភពលោក។
កាលពីថ្មីៗនេះ លោកមហាសេដ្ឋី Bill Gates ព្រមទាំងភរិយា បានឆ្លើយសំណួរមួយចំនួនដែលក្នុងនោះមាន «តើលោកទាំងពីរ គិតថា មានយុត្តិធម៌ទេដែលខ្លួនឯង មានទ្រព្យសម្បត្តិនិងជោគជ័យយ៉ាងនេះទេនោះ? » អ្នកទាំងពីរបានឆ្លើយតបគ្នាថា ៖«អត់ទេ។ វាពិតជាមិនយុត្តិធម៌ទេដែលពួកយើងមានទ្រព្យសម្បត្តិច្រើនដល់ថ្នាក់នេះ ខណៈមនុស្សរាប់លាននាក់ផ្សេងទៀតមានទ្រព្យសម្បត្តិតែបន្តិចបន្តួចនោះ»។
ដូចដែលអស់លោកបានជ្រាបស្រាប់ហើយថា លោកទាំងពីរបានបង្កើតមូលនិធិដើម្បីជួយកាត់បន្ថយភាពក្រីក្រ ជួយដល់បុគ្គលដែលមានសមត្ថភាព និងភាពច្នៃប្រឌិត និងយុទ្ធនាការប្រឆាំងនឹងជំងឺផ្សេងៗជាដើម។
លោកមហាសេដ្ឋី Bill Gates ព្រមទាំងភរិយា ក៏បានឆ្លើយតបនឹងសំណួរមួយចំនួនទៀតថា៖« យើងព្យាយាមជួយមនុស្សតាមដែលយើងអាចធ្វើទៅបាន និងជួយជំរុញឲ្យមានសិទ្ធិស្នើគ្នារវាងបុរសនិងស្ត្រីផងដែរ។
មូលនិធិដែលលោកមហាសេដ្ឋី Bill Gates ព្រមទាំងភរិយារបស់លោក បានបង្កើតឡើងពិតជាបានជួយមនុស្សរាប់លាននាក់មកហើយ៕
ប្រែសម្រួល៖ អឹុង មុយយូ
ប្រភព៖ businessinsider.com
