លោក​Henry Ford​ ​ជា​ស្ថាបនិក​របស់​ក្រុមហ៊ុនFord Motor Company ​ ​និង ជា​អ្នក​ជំនួញ​ដ៏​ជោគជ័យ​ម្នាក់​របស់​អាមេរិក​ ​ដោយ​បច្ចុប្បន្ន​នេះ​ក្រុមហ៊ុនFord ​មាន​ភាព​ល្បើកល្បាញ​យ៉ាង​ខ្លាំង​នៅ​លើ​ពិភពលោក​។

​ថ្វីត្បិត​តែ​លោក​បាន​ស្លាប់​ទៅ​ហើយ​កាល​ពី​ឆ្នាំ​១៩៤៧ ​​(​ក្នុង​វ័យ​៨៣​ឆ្នាំ​) ​ប៉ុន្តែ​​កេរ្តិ៍ឈ្មោះ​របស់​លោក​ ​នៅ​តែ​ល្បីល្បាញ​ដដែល​​ ​ដែល​ក្មេង​ជំនាន់​ក្រោយ​មិន​ងាយ​នឹង​ភ្លេច​ឡើយ​។

​ ​ខាងក្រោម​នេះ ជា​គំនិត​សំខាន់ៗ​ដែល​លោក​ធ្លាប់​បាន​ចែករំលែក​​ដល់​អ្នក​ដទៃ​ ​​ដើម្បី​ជា​គន្លឹះ​ក្នុង​ការ​​រក​ឲ្យ​​ឃើញ​ពី​ភាព​ជោគជ័យ​ក្នុង​ជីវិត​​៖​​​​​

​១) «​​ធ្វើ​​​​ការងារ​ឲ្យ​ច្រើន​សម្រាប់​ពិភពលោក ​​ជាជាង​ឲ្យ​​ចាំ​ឲ្យ​ពិភពលោក​ធ្វើ​រឿង​ជា​ច្រើន​ដល់​អ្នក ​នោះ​ហើយ​គឺ​ជា​ជោគជ័យ​»។

២) ​​«​សូម​កុំ​​ស្វែង​រក​បញ្ហា​ ​ត្រូវ​ស្វែងរក​ដំណោះស្រាយ​»។ ​

៣) ​«​ ​ត្រៀម​ខ្លួន​ឲ្យ​រួចរាល់​​ ​​មុន​ពេល​ចាប់​ផ្តើម​ធ្វើ​ការងារ​អ្វី​មួយ​ ​នោះ​ហើយ​ជា​អាថ៌កំបាំង​នៃ​ជោគជ័យ​»។

៤) ​«​កំហុស​ដ៏​ពិត​ប្រាកដ​មួយ ​ជា​កំហុស​ដែល​កើត​ឡើង​ ​​ដោយសារ​អ្នក​មិន​បាន​រៀន​​សូត្រ​ពី​អ្វី​សោះ​»។

៥) ​«​មនុស្ស​ភាគច្រើន​​ចំណាយ​ពេល​ ​និង ថាមពល​យ៉ាង​ច្រើន​​​ខ្លាំង​​លើ​បញ្ហា​ ​​ជាជាង​ស្វែងរក​ដំណោះស្រាយ​»។

៦) ​«​គ្មាន​អ្វី​ដែល​លំបាក​ខ្លាំង​​នោះ​ទេ ​ប្រសិនបើ​​អ្នក​ចេះ​បែកចែក​ជា ​ការងារ​តូចៗ​ដើម្បី​ធ្វើ​​»។

៧) ​«​ជោគជ័យ​ដ៏​ពេញលេញ​របស់​ជីវិត​ ​គឺ​ការ​រក​ឃើញ​​​គោលដៅ​ដែល​ខ្លួន​ត្រូវ​ធ្វើ​ ​បន្ទាប់​មក​ធ្វើ​វា​»។

​ ៨) ​«​ប្រសិន​បើ​អ្នក​ធ្វើ​តែ​អ្វី​ ​ដែល​អ្នក​ធ្លាប់​បាន​ធ្វើ​ ​នោះ​អ្នក​នឹង​ទទួល​តែ​អ្វី​ដែល​អ្នក​ធ្លាប់​បាន​ទទួល​ប៉ុណ្ណោះ​»។

៩) ​«​ជំនួញ​ដែល​គ្មាន​បាន​បង្កើត​អ្វី​​ក្រៅ​​តែ​ពី​លុយ ​គឺ​ជា​ជំនួញ​ដែល​​យ៉ាប់​​»៕