​ប្រិយមិត្ត​មួយ​ចំនួន​អាច​នឹង​បាន​ដឹង​រួចមក​ហើយពី​ប្រភេទ​នៃ​បំណុល​។ បើ​តាម​ការលើកឡើងរ​ប​ស់លោក Robert Kiyosaki ដែលជា​សេដ្ឋី​អចលនទ្រព្យ​ដ៏​ល្បីល្បាញ​របស់​អាមេរិក បំណុល​គឺ​ចែកចេញជា​ពីរ​គឺ បំណុល​ល្អ (Good Debt) និង​បំណុល​មិនល្អ (Bad Debt)។

​សម្រាប់​លោក Robert បំណុល​ល្អ​នៅទីនេះ សំដៅលើ​បំណុល​ដែល​លោកអ្នក​យកមកប្រើ​ប្រាស់​ធ្វើ​ឲ្យ​វា​មាន​ប្រយោជន៍ បង្កើតបាន​ប្រាក់ចំណូល​ហូរ​ចូលក្នុង​ហោប៉ៅ​របស់​អ្នក​។ ដោយឡែក​សម្រាប់​បំណុល​មិនល្អ គឺ​វា​ផ្ទុយ​ពីនេះ ពោលគឺ​សំដៅលើ​បំណុល​ទាំងឡាយណា​ដែល​មិន​ត្រឹមតែ​ធ្វើ​ឲ្យ​លោកអ្នក​មិនអាច​រកលុយ​ចូល​ផ្ទះ​នោះទេ ប៉ុន្តែ​ថែមទាំង​ធ្វើ​ឲ្យ​លោកអ្នក​ត្រូវ​បញ្ចេញ​លុយ​បន្ថែមទៀត ដូចជា ខ្ចីលុយ​ទិញ​ទូរស័ព្ទ​ទំនើបៗ ទិញ​រថយន្ត និង សម្ភារៈ​បង់​រំ​លោះ​ផ្សេងៗ​ទៀត​ជាដើម​។​

​ដូច្នេះ នៅក្នុង​ចំណោម​បំណុល​ទាំងពីរ​នេះ លោកអ្នក​អាច​ដឹង​ច្បាស់​ហើយ​ថា លោកអ្នក​ស្ថិតនៅក្នុង​ប្រភេទ​បំណុល​ណាមួយ​។ បើ​លោក​អ្នកមាន​បំណុល​ល្អ គឺជា​រឿង​មួយ​ដែល​គួរ​ឲ្យ​អបអរសាទរ​។ ប៉ុន្តែ បើ​លោកអ្នក​ស្ថិតនៅក្នុង​បំណុល​មិនល្អ​នោះ វា​គឺជា​រឿង​មួយ​ដែល​គួរ​ឲ្យ​សោកស្តាយ​នៅពេលនេះ​។​ ​តើ​លោកអ្នក​ធ្លាប់មាន​ក្តី​ស្រមៃ​ថា ចង់​សន្សំ​លុយ​ទុក​សម្រាប់​វិនិយោគ ឬ បង្កើត​មុខរបរ ល្អ​មួយ​នៅពេល​អនាគត​ដែរឬទេ​ខណៈដែល​លោកអ្នក​កំពុង​ជំពាក់​បំណុល​គេ​រុំកោះ​? ​ចំពោះ​លោក Robert Kiyosaki បានផ្តល់​ដំបូន្មាន​ថា បើ​លោក​អ្នកមាន​ស្ថានភាព​ធ្លាក់ខ្លួន​នៅក្នុង​បំណុល​មិនល្អ (Bad Debt) ការវិនិយោគ​ដ៏​ល្អ​បំផុត​មិនបាច់​ទៅ​ចាំ​គិត សន្សំ​លុយ​ទុក​ទៅធ្វើ​អ្វី​ផ្សេង​នោះទេ​។

លោក​បាន​បន្តថា ការ​វិយោគ​ដ៏​ល្អ​បំផុត​នៅពេលនេះ គឺ​ការ​ដោះបំណុល​អាក្រក់​ទាំងអស់​ដែល​លោកអ្នក​មាននៅ​ក្នុង​ដៃ​ឲ្យ​អស់​ជាមុនសិន​ទៅ​៕

​ប្រភព​៖ Richdad.com ដោយ៖ សូរ៉ាណា​