SpaceX ​វិល​មក​វិញ​ជាមួយ​ការ​បាញ់​គ្រាប់​រ៉ុកកែត Falcon 9 ​កាលពី​ព្រឹក​ថ្ងៃ​ព្រហស្បតិ៍​សប្ដាហ៍​ម្សិលមិញ​នេះ។ ការ​បង្ហោះ Faclon 9 ​គឺ​ជា​ការ​ចាប់ផ្ដើម​នៃ​គម្រោង​ផ្កាយរណប​ចំនួន ១២០០០ ដែល​នឹង​នាំ​យក​តំណភ្ជាប់​អ៊ីនធឺណិត​មក​ស្ទើរ​គ្រប់​ទីកន្លែង​នៅ​លើ​ផែនដី។

SpaceX ​ទទួល​បាន​ការ​អនុម័ត​សម្រាប់​គម្រោងការ​សប្ដាហ៍​មុន ​​ដែល​ការ​ដឹក​ជញ្ជូន​របស់​សំខាន់​គឺ​ជា​ផ្កាយរណប អង្កេត​ផែនដី​ឈ្មោះ Paz (Pav Earth-observing satellite) ។ ក្រុមហ៊ុន​អាកាសចរណ៍ និង​ដឹក​ជញ្ជូន​អវកាស​របស់​អាមេរិក​នេះ ថែមទាំង​បាន​ភ្ជាប់​ទៅ​ជាមួយ​នូវ​គំរូ​ផ្កាយរណប​តភ្ជាប់​អ៊ីនធឺណិត​ចំនួន២ គឺ Microsat-2a និង Microsat-2b ​ផង​ដែរ សម្រាប់​ប្រមូល​យក​ព័ត៌មាន​អំពី​បច្ចេកវិទ្យា​ដែល​ត្រូវការ​សម្រាប់​ខ្សែ​អ៊ីនធឺណិត​ផ្កាយរណប​សកល (Global Satellite Internet)។ https://youtu.be/-p-PToD2URA គោលដៅ​រយៈពេល​វែង​សម្រាប់​គម្រោង Project Starlink ​គឺ​ត្រូវ​មាន​ផ្កាយ​រណប​ប្រហែល ៤៤០០ ធ្វើ​ដំណោះរ​ជុំវិញ​រង្វង់​ចម្ងាយ ៧០០ម៉ាយល៍​​ពី​ផែនដី និង​ផ្កាយ​រណប​ចំនួន ៧៥០០ សម្រាប់​វិល​ជុំវិញ​ចម្ងាយ ២០០ម៉ាយល៍។ ចំនួន​ផ្កាយរណប​ដ៏​ច្រើន​នេះ ក្រុមហ៊ុន SpaceX គួរ​តែ​មាន​លទ្ធភាព​អាច​គ្រប​ដណ្ដប់​ដល់​ភព​ផែនដី​ស្ទើរតែ​ទាំងអស់​នៅ​ពេល​តែមួយ​បាន។ ការ​ព្យាករ​ហិរញ្ញវត្ថុ​បង្ហាញ​ថា​គម្រោង Starlink ​នេះ​នឹង​មាន​អតិថិជន​ប្រហែល ៤០លាន​នាក់​នៅ​ត្រឹម​ឆ្នាំ២០២៥ ហើយ​ទាញ​ប្រាក់​ចំណូល​ប្រមាណ ៣០ពាន់​លាន​ដុល្លារ​ក្នុង​មួយ​ឆ្នាំ៕ ​ដោយ៖ រឹទ្ធិរាជ ប្រភព៖ techspot