ស្មាតហ្វូន​នីមួយៗ​សុទ្ធតែ​ត្រូវ​បាន​ក្រុមហ៊ុន​ល្បីៗ​ផលិត​ចេញ​មក​អម​ដោយ​មុខងារ​ល្អៗ និង​កាន់តែ​ទំនើប​ជាង​មុន​ពី​មួយ​ជំនាន់​ទៅ​មួយ​ជំនាន់។ ហើយ​ក្នុង​នោះ ការ​បង្កើន​សមត្ថភាព​កាមេរ៉ា ក៏​ត្រូវ​បាន​យក​ចិត្ត​ទុកដាក់​ផង​ដែរ ព្រោះ​ជា​កូន​សោ​សំខាន់ ក្នុង​ការ​ប្រកួតប្រជែង​ទីផ្សារ​បច្ចុប្បន្ន ស្របពេល​យុវវ័យ​កំពុង​និយម​ថតរូប និង​ចូលចិត្ត​ចែកចាយ​នៅ​លើ​បណ្ដាញ​សង្គម។ ដូច្នេះ ថ្មីៗ​នេះ Apple បាន​ចេញ​វីដេអូ​ចំនួន៣ បង្ហាញ​ពី​តិកនិក​ថត​រូប​នៅ​លើ​ទូរស័ព្ទ iPhone ដែល​ប្រិយមិត្ត​អាច​ស្វែងយល់​បាន។

១) ​វីដេអូ​ដំបូង​នេះ គឺ​បង្ហាញ​ពី​របៀប​កំណត់ timing ​នៅ​លើ​មុខងារ​វីដេអូ​យឺតៗ slo-mo ​ក្នុង​ទូរស័ព្ទ iPhone https://youtu.be/vj6RVg56LSs ២) បង្ហាញ​ពី​តិកនិក​ក្នុង​ការ​ថត​រូប​ដោយ​ប្រើ​មុខងារ Grid ​ពោល​គឺ​កំណត់​ប្លង់​មួយ​ជាក់លាក់​ដែល​ត្រូវ​ថត ទោះបី​ជា​អ្នក​ប្ដូរ​ទីតាំង​ដង​ខ្លួន​ខណៈ​ពេល​ថត ក៏​មិន​បាត់​ប្លង់​ដែល​បាន​កំណត់។ https://youtu.be/o5pV-ZbXWyA ៣) ចុង​ក្រោយ​នេះ ជា​វីដេអូ​បង្ហាញ​ពី​គន្លឹះ​ក្នុង​ការ​ថត​រូប​ពណ៌ ស/ខ្មៅ ក៏​ដូច​ជា​កំណត់​ពន្លឺ​បាន​ត្រឹមត្រូវ​ស័ក្ដិសម​កាលៈទេសៈ ៕ https://youtu.be/t-TjdHDlCWw   ​ដោយ៖ រឹទ្ធិរាជ ប្រភព៖ Apple