ក្បួនដំណោះស្រាយ (algorithm) របស់ Google ជិតឈានដល់ដំណាក់កាលសម្រេចតាមការចង់បាន ដែលជាវិធីសាស្ត្រផ្ទៀងផ្ទាត់អ្នកមានរោគបេះដូង តាមរយៈបច្ចេកវិទ្យា AI ថ្មី អាចវិភាគដឹងដោយគ្រាន់តែក្រឡេកមើលនៅលើភ្នែករបស់អ្នកជំងឺ។
នេះជាការអភិវឌ្ឍន៍ថ្មីចុងក្រោយរបស់ក្រុមហ៊ុន Google នៅក្នុង machine learning ដែលមានសមត្ថភាព ព្យាករណ៍ពីហានិភ័យនៃអ្នកមានជំងឺបេះដូង ដោយគ្រាន់តែមើលទៅលើភ្នែក។ ជាក់ស្ដែង បច្ចេកវិទ្យាផ្នែកវេជ្ជសាស្ត្ររបស់ Google បានបង្កើតចេញនូវសូហ្វ៊ែរដែលអាច ទស្សន៍ទាយអាយុរបស់មនុស្ស សម្ពាធឈាម និងទម្លាប់នៃការជក់បារី ពីការពិនិត្យតាមរយៈស្កេនភ្នែករបស់អ្នកជំងឺ។
ដោយការបញ្ចូលបច្ចេកទេស machine learning ព័ត៌មាននេះ អាចត្រូវបានប្រើសម្រាប់ធ្វើការវិភាគ កម្រិតហានិភ័យនៃបញ្ហាបេះដូងរបស់អ្នកជំងឺម្នាក់។ ខណៈវិធីសាស្ត្របែបប្រពៃណី ធ្វើតេស្តតាមឈាម ហើយអាចចំណាយពេលច្រើនសប្ដាហ៍ សម្រាប់ដំណើរការស្កេន ចំណែកបច្ចេកទេសស្កេនថ្មីនេះ ស្ទើរតែអាចដឹងភ្លាមៗបាន ហើយមិនត្រូវការមានឈាមនោះឡើយ។ លទ្ធផលពិសោធន៍បានបង្ហាញឱ្យឃើញមានប្រហែល ៧០% នៃការប្រើក្បួនដំណោះស្រាយថ្មីរបស់ Google នេះ ទទួលបានលទ្ធផល ប្រៀបធៀបនឹង ៧២% នៃវិធីសាស្ត្របែបប្រពៃណីកន្លងមក៕
ដោយ៖ រឹទ្ធិរាជ
ប្រភព៖ techspot
