សប្បុរសធម៌ គឺជាសកម្មភាពមួយដែលសង្គមមិនអាចខ្វះបាន ព្រោះវាបានជួយដល់ អ្នកដែលកំពុងខ្វះខាត ដូចជា កុមារកំព្រា ជនពិការ ចាស់ជរា និង ជនទុរភិក្ស ដោយការផ្តល់នូវសម្ភារៈប្រើប្រាស់ចាំបាច់ ក៏៏ដូចជាការផ្តល់ជាកំលាំងចិត្ត។
ដោយមើលឃើញពីកង្វះខាតរបស់ពួកគេ ក្រុមការងារ INSPIRED.Cambodia បានផ្ដួចផ្ដើមគំនិតធ្វើនូវ កម្មវិធីសប្បុរសធ៌មមួយ ទៅកាន់បុរីទារក និងកុមារជាតិ ។ ដែលពួកយើងបាននាំយកនូវ ថវិការបន្តិចបន្តួច សម្ភារៈសិក្សា សម្ភារៈលេងកំសាន្ត និង គ្រឿងឧបភោគបរិភោគ ដូចជា ទឹកត្រី ទឹកស៊ីវ ជាដើម។ ជំនួយទាំងអស់នេះ សុទ្ធសឹងតែយើងទទួលបានមកពី ដៃគូរសហការ អ្នកឧបតម្ភ និងសប្បុរសជនមួយចំនួន។
ដោយមើលឃើញនូវតម្រូវការជាច្រើន INSPIRED.Cambodia នឹងប្រារព្ធធ្វើកម្មវិធីសប្បុរសធ៌មជាលើកទី២ នៅខែមីនាខាងមុខនេះ ទៅកាន់សាលារៀនមួយកន្លែង នៅខេត្តកំពត ដែលកុមារមួយចំនួនធំកំពុងខ្វះខាតសម្ភារៈសិក្សា និងសម្ភារៈប្រើប្រាស់ប្រចាំថ្ងៃ។
ពួកយើងសង្ឃឹមថា អំពើសប្បុរសធ៌ម នឹងមានការកើនឡើងនៅគ្រប់ស្រទាប់យុវវ័យក្នុងសង្គមខ្មែរ ពីព្រោះ ការចែករំលែក គឺជាការយកចិត្តទុកដាក់ និងក្តីស្រលាញ់ទៅកាន់អ្នកដទៃដែលពួកយើងទាំងអស់គ្នាគួរតែចូលរួម៕
ព័ត៌មានបនែ្ថមសូមទំនាក់ទំនង
លេខទូរស័ព្ទ៖ (+855) 15 / 85 81 2666
(+855) 15 / 85 91 2666
Email: [email protected]
ឫចូលទៅកាន់ Facebook page: INSPIRED.Cambodia
