ក្រុមហ៊ុន​ផលិត​នាឡិកា​ម៉ាក​របស់​បារាំង Bell & Ross ​ថ្មីៗ​នេះ​ទើប​បញ្ចេញ​នាឡិកា​ដៃ​ទំនើប​ស៊េរី​ថ្មី ជា​ប្រភេទ​នាឡិកា​ទ្រនិច ឌីហ្សាញ​មាន​មុខ​មូល ប៉ុន្តែ​ផ្អោប​ដោយ​ដាច់​គែម​ទៅ​ជា​រាង​ការ៉េ​បួន​ជ្រុង​ស្អាត​ប្លែក​មួយ​បែប។ Bell & Ross 03-92 Horoblack ​ជា​នាឡិកា​ជំនាន់ limited edition ​ដែល​ផលិត​ជា​ពិសេស ត្រឹម​ចំនួន​កំណត់ ៩៩៩គ្រឿង​ប៉ុណ្ណោះ។ វា​ជា​នាឡិកា​ដើរ​ស្វ័យប្រវត្តិ BR-CAL.302 automatic mechanical movement, មាន​អង្កត់​ផ្ចិត ៤២មិល្លីម៉ែត្រ​ផលិត​ពី​ដែក​ប្រភេទ micro-blasted steel។

នាឡិកា BR 03-92 Horoblack ក៏​មាន​មុខងារ​មិន​ជ្រាប​ទឹក​ដែល​អាច​ធន់​ដល់​ជម្រៅ ១០០ម៉ែត្រ ហើយ​មាន​ខ្សែ​ធន់​មាំ​ ផលិត​ពី​កៅស៊ូ​ខ្មៅ និង​ប្រភេទ​ក្រណាត់​ ultra-resilient black synthetic fabric។ នាឡិកា Bell & Ross 03-92 Horoblack មាន​តម្លៃ ៣៤០០ដុល្លារ ឬ ២៦០០ផោន ​ដែល​ពេល​នេះ​មាន​ដាក់​ឱ្យ​ pre-order ពី​គេហទំព័រ​ផ្លូវការ Bell & Ross ជា​មួយ​លេខ​កូដ BR0392-GBL-ST/SRB។

ដៃ​នាឡិកា BR 03-92 ​ត្រូវ​បាន​ក្រាល​ដោយ​សារធាតុ black Superluminova ហើយ​ផ្ទៃ​មុខ​របស់​វា ត្រូវ​បាន​ការពារ​ដោយ​កញ្ចក់​គ្រីស្តាល់ crystal sapphire glass ដែល​អាច​ការពារ​ស្នាម​ឆ្កូត​បាន​យ៉ាង​មាន​ប្រសិទ្ធភាព​ខ្ពស់។ កុំ​រង់ចាំ​យូរ បើ​ស្រលាញ់​ឆាប់​ចូល​ទៅ​កក់​ទុក​មុន​ទៅ ព្រោះ​ក្រុមហ៊ុន​ផលិត 03-92 Horoblack នេះ​ក្នុង​ចំនួន​កំណត់​ត្រឹម ៩៩៩គ្រឿង​ទេ៕

  ​ដោយ៖ រឹទ្ធិរាជ ប្រភព៖ Uncrate : B&R