ឃ្លាចំនួន៨លើកទឹកចិត្តអ្នកសម្រាប់បន្តដំណើរឆ្ពោះរកភាពជោគជ័យក្នុងជីវិត
មានពេលខ្លះយើងជួបនឹងការបាក់ទឹកចិត្តនៅក្នុងដំណើរឆ្ពោះទៅកាន់គោលដៅរបស់ខ្លួនឯង ពួកយើងមិនត្រូវការអ្វីក្រៅពីឃ្លាលើកទឹកចិត្តដើម្បីបន្តដំណើរទៅមុខទៀតនោះទេ។ បើអ្នកកំពុងតែជួបការលំបាក សង្ឃឹមថាឃ្លាចំនួន៨ខាងក្រោមនឹងអាចជួយផ្ដល់កម្លាំងចិត្តដល់អ្នកវិញបាន៖
១) "ចូរដាក់ចិត្តគំនិត បេះដូងនិងដួងវិញ្ញាណរបស់អ្នកទាំងអស់សូម្បីតែនៅក្នុងសកម្មភាពតូចតាចក៏ដោយ។ ព្រោះនេះហើយគឺជាអាថ៌កំបាំងនៃភាពជោគជ័យ"។ Swami Sivananda
២) "ភាពជោគជ័យមិនមែនជាចុងបញ្ចប់នៃអ្វីៗទាំងអស់នោះទេ ហើយភាពបរាជ័យក៏មិនមែនជាព្រហ្មលិខិតនោះដែរ។ មានតែសេចក្ដីក្លាហាននៅក្នុងការបន្តទៅមុខទៀតប៉ុណ្ណោះទើបរាប់ថាសំខាន់ពិតប្រាកដ"។ Winston Churchill
៣) "មានតែការមើលឃើញខ្លួនឯងជាមួយនឹងភាពរឹងមាំនិងវិជ្ជមានប៉ុណ្ណោះ ដែលអាចជាការរៀបចំខ្លួនយ៉ាងល្អបំផុតសម្រាប់ភាពជោគជ័យ"។ Joyce Brothers
៤) "មនុស្សមួយចំនួនសុបិនចង់ទទួលបានជោគជ័យ ខណៈពេលមនុស្សមួយចំនួនវិញក្រោកពីព្រលឹមជារៀងរាល់ព្រឹកដើម្បីធ្វើវាឲ្យក្លាយជាការពិត"។ Wayne Huizenga
៥) "ភាពជោគជ័យមិនមែនសុទ្ធតែជាការសម្រេចបាននូវភាពអស្ចារ្យនោះទេ តែផ្ទុយទៅវិញវាគឺជាការតស៊ូមិនងាយនឹងបោះបង់នោះទេ។ ការប្រឹងប្រែងធ្វើការខ្លាំងក្លានិងមិនព្រមរាថយ នឹងនាំអ្នកទៅកាន់ភាពជោគជ័យ។ បន្ទាប់ភាពអស្ចារ្យនឹងមកតាមក្រោយមិនខាន"។ Dwayne Johnson
៦) "ភាពជោគជ័យគឺជាដំណើរផ្សងព្រេងមួយ មិនមែនជាទិសដៅកំណត់ចុងក្រោយនោះឡើយ។ ព្រោះថាសកម្មភាពធ្វើគឺសំខាន់ជាងលទ្ធផលដែលទទួលបានទៅទៀត"។ Arthur Ashe
៧) "មនុស្សត្រូវការជួបឧបសគ្គលំបាក ព្រោះថាមានតែពួកវាប៉ុណ្ណោះដែលអាចឲ្យអ្នករីករាយជាមួយនឹងភាពជោគជ័យរបស់អ្នកបាន"។ A.P.J. Abdul Kalam
៨) "មហិច្ឆតាគឺជាវិថីសម្រាប់នាំអ្នកឆ្ពោះទៅកាន់ភាពជោគជ័យ។ រីឯការតស៊ូមិនងាយនឹងបោះបង់គឺជាយានយន្តដែលអ្នកត្រូវជិះដើម្បីទៅដល់ទីនោះបាន"។ Bill Bradley
ប្រភព៖ lifehack ប្រែសម្រួល៖ ស្រីពៅ
