មេរៀនជំនួញដ៏មានតម្លៃទាំង៣យ៉ាងដែលអ្នកអាចសិក្សាបានពីលោកមហាសេដ្ឋី Jim Koch
លោកមហាសេដ្ឋី Jim Koch គឺជាអ្នកជំនួញផង អ្នកនិពន្ធផងនិងមានក្រុមហ៊ុនលក់ស្រាបៀដ៏ជោគជ័យមួយផងដែរ។ លោកបានកសាងក្រុមហ៊ុនលក់ស្រាបៀតាំងពីបាតដៃទទេរហូតដល់វាក្លាយជាក្រុមហ៊ុនដែលមានម៉ាយីហោដ៏ល្បីនៅសហរដ្ឋអាមេរិក។ ខាងក្រោមនេះជាមេរៀនជំនួញដ៏មានតម្លៃទាំង៣យ៉ាងដែលអ្នកអាចសិក្សាបានពីលោកមហាសេដ្ឋី Jim Koch ៖
១) ធ្វើអ្វីដែលអ្នកស្រឡាញ់៖ លោកមហាសេដ្ឋី Jim Koch បានបញ្ចប់ការសិក្សាច្បាប់និងពាណិជ្ជកម្មពីសាលារៀន Harvard។ ក្រោយលោកបញ្ចប់ការសិក្សា លោកក៏រកបានការងារដែលមានប្រាក់ខែខ្ពស់ផងដែរ។ ប៉ុន្តែ លោកដឹងច្បាស់ថាវាមិនមែនជាអ្វីដែលលោកស្រឡាញ់និងចង់បាននៅក្នុងជីវិតនោះទេ ដែលនេះជាហេតុផលមួយដែលលោកលាឈប់ពីការងារនិងប្រឡូកក្នុងជំនួញវិញ។
២) ធ្វើអ្វីក៏ដោយ វាមិនខាតបង់នោះទេ៖ ប្រសិនជាអ្នកធ្វើជំនួញយូរឆ្នាំហើយទើបដឹងថាវាមិនមែនជាអ្វីដែលអ្នកស្រឡាញ់ នោះក៏មិនអីដែរព្រោះថាថ្វីត្បិតតែអ្នកខាតពេលវេលាមែន ប៉ុន្តែបទពិសោធន៍ក្នុងជំនួញមួយនេះនឹងជួយអ្នកសម្រាប់ជំនួញដែលអ្នកធ្វើបន្ទាប់ទៀត។
៣) បើចង់ នឹងមានផ្លូវ៖ នៅពេលដែលលោកទើបចាប់ផ្ដើមជំនួញលក់ស្រាបៀដំបូង បើទោះបីជាលោកដឹងជាច្រើនអំពីទីផ្សារ ជំនួញក្តី ប៉ុន្តែលោកមិនចេះលក់នោះទេ។ ដូច្នេះហើយ លោកត្រូវការមនុស្សមកជួយលក់ផលិតផលរបស់គាត់។ ប៉ុន្តែ លោករកមនុស្សពុំបានសោះ។ ដូច្នេះហើយ លោកក៏សម្រេចធ្វើដោយខ្លួនឯងហើយក៏ទទួលបានការគាំទ្ររហូតដល់គាត់ជោគជ័យផងដែរ៕
ប្រែសម្រួល៖ អឹុង មុយយូ
ប្រភព៖ addicted2success.com
