ប្រយោគមាសទាំង៩ឃ្លាពីមហាសេដ្ឋីចិន លោកចេក ម៉ា អាចជួយបំភ្លឺផ្លូវអ្នក ក្នុងការសម្រេចក្តីសុបិនបាន
លោក ចេក ម៉ាជាមហាសេដ្ឋីចិន ដ៏ល្បីល្បាញម្នាក់នៅលើពិភពលោក។ មិនត្រឹមតែពូកែធ្វើជំនួញនោះទេ លោកក៏មានសិល្បៈក្នុងការនិយាយផងដែរ ព្រោះឃ្លោងឃ្លាដែលលោកបានលើកឡើងកន្លងមក តែងជំរុញលោកទឹកចិត្ត និង ផ្តល់ជាដំណោះស្រាយដល់មនុស្សជាច្រើន។ ខាងក្រោមនេះ ជាសម្ដីដ៏មានន័យទាំង៩ឃ្លា ដើម្បីជួយឲ្យអ្នករកឃើញផ្លូវឆ្ពោះទៅរកការសម្រេចក្តីសុបិនក្នុងជីវិត៖
១) «ប្រសិនបើអ្នកមានក្តីសុបិនឆ្កួតៗ វាពិតជាសំខាន់ខ្លាំងណាស់ដែលអ្នកត្រូវក្រសោបមនុស្សទាំងឡាយណា ដែលអាចជឿជាក់លើក្តីសុបិនរបស់អ្នកបាន»។
២) «មិនបាច់បាក់ទឹកចិត្តអ្វីទេ ប្រសិនបើគ្មាននរណាម្នាក់ជួយអ្នក»។
៣) «មិនថា អ្នកឆ្លាតប៉ុណ្ណានោះទេ ដរាបណាអ្នកមិនចេះធ្វើការជាមួយមនុស្ស នោះក្តីសុបិនរបស់អ្នកនៅតែជាក្តីសុបិន ដោយគ្មានថ្ងៃក្លាយជាការពិតនោះឡើយ»។
៤)«អ្នកគឺជាខ្លួនអ្នក។ នៅលើលោកនេះមានប្រជាជនប្រហែល៧ពាន់លាននាក់ ប៉ុន្តែមានមនុស្សតែម្នាក់គត់ដែលជាអ្នក»។
៥) «ក្មេងៗមានរឿងច្រើនណាស់ ដែលពួកគេចង់ធ្វើ។ ប៉ុន្តែគួរតែធ្វើរឿងណា ដែលខ្លួនស្រលាញ់ខ្លាំងបានហើយ»។
៦) «នៅពេលដែលអ្នកមានក្តីសុបិន អ្នកត្រូវតែហ៊ានសួរខ្លួនឯងថា តើហ៊ានលះបង់អ្វីខ្លះដើម្បីសម្រេចវា?»
៧) «ប្រសិនបើអ្នកចង់ជោគជ័យ ត្រូវរៀនពីកំហុសឆ្គងដែលអ្នកដទៃបានធ្វើ នោះអ្នកនឹងដឹងច្បាស់ពីវិធីក្នុងការប្រឈមមុខនឹងវា»។
៨) «ប្រសិនអ្នករអ៊ូ លុះត្រាតែវាផ្តល់នូវដំណោះស្រាយ។ បើវាមិនបានផ្តល់ដំណោះស្រាយអ្វីទេ សូមកុំរអ៊ូឲ្យសោះ»។
៩) «ត្រូវស្វែងរកចៅហ្វាយល្អឲ្យបាន ព្រោះចៅហ្វាយល្អ ប្រសើរជាងក្រុមហ៊ុនល្អ»៕
