កង់អាចបត់បាន Foldable bike កំពុងត្រូវបានចាប់អារម្មណ៍អភិវឌ្ឍ ខណៈដែលកន្លងទៅយើងក៏ធ្លាប់បានឃើញវត្តមានកង់ប្រភេទនេះប៉ុន្មានម៉ូដែលហើយ។ ចំណែករបកគំហើញថ្មីដែលជាកង់ (wheel) អាចបត់បញ្ចូលគ្នាបាននេះ នឹងជួយគាំទ្រដល់ការអភិវឌ្ឍកង់បត់បាន (foldable bike) ថែមទៀត។
កង់ដែលអាចបត់បញ្ចូលគ្នាបានRevolve នេះ ត្រូវបានឌីហ្សាញសម្រាប់ផ្ដល់ការប្រើប្រាស់បែបជាកង់សកល ដែលអាចប្រើទាំងនៅលើកង់ជិះ (bicycle) និងកង់របស់កៅអីរុញ នឹងជួយកាត់បន្ថយភាពចង្អៀតដោយសារដំណោះស្រាយថ្មីនេះអាចឱ្យគេបត់បញ្ចូល (fold) បាន។ សូមទស្សនាវីដេអូបង្ហាញនូវមុខងារដែលកង់របស់ម៉ាស៊ីនអេឡិចត្រូនិកនេះបត់បាន ដោយវាអាចបត់ចូលគ្នាបានយ៉ាងរហ័ស ទៅជារូបរាងស្រដៀងនឹងគ្រាប់បាល់ ហើយមានទម្រង់តូច ងាយស្រួលកាន់ និងបំឡាស់ទី។
https://youtu.be/IG8nG_cIVjk
វាជាសមិទ្ធផលរបស់លោក Andrea Mocellin ដែលត្រូវបានឌីហ្សាញសម្រាប់ផ្ដល់ឱ្យអ្នកប្រើជាមួយកង់បែបជាម៉ូឌុលពិត ហើយកង់ Revolve នេះ នឹងអាចត្រូវយកទៅប្រើនៅលើកង់ (bicycles) ក៏ដូចជាកៅអីរុញ នោះវានឹងកាន់តែងាយស្រួលទុកដាក់មិនខាន។ វាពិតជាត្រូវបានឌីហ្សាញមានលក្ខណៈខុសប្លែកពិសេស អាចឱ្យគេបត់ចំណេញផ្ទៃទំនេរដល់ទៅ ៦០% ក្រោយពេលបត់កង់នេះទៅជារាងដុំស្វ៊ែរ ស្រដៀងបាល់។ យ៉ាងណាពេលនេះ ពុំទាន់មានព័ត៌មានអំពីតម្លៃ និងកាលបរិច្ឆេទដែលកង់ Revolve នឹងមានលក់លើទីផ្សារនៅឡើយ៕
ដោយ៖ រឹទ្ធិរាជ
ប្រភព៖ RCW : Uncrate
