បណ្ដាញចែករំលែករូបថតតាមអ៊ីនធឺណិត Instagram ពេលនេះ បានបន្ថែមមុខងារថ្មីដោយការគាំទ្រប្រភេទឯកសាររូបមានចលនា GIF នៅលើ Stories ហើយ។ ចាប់ពីពេលនេះ អ្នកនឹងអាចបង្ហោះអួតមិត្តរបស់អ្នកជាមួយរូបថតមានចលនាស្អាត និងលក្ខណៈកំប្លែង ដើម្បីបន្ថែមរសជាតិថ្មីនៃការប្រើសេវាកម្មពេញនិយមនេះ។
អ្នកប្រើនឹងអាចប្រើរូបថតរបស់ខ្លួន យកមកកែ edit ដោយបន្ថែមរូប sticker រើសចេញពីមុខងារបញ្ចូលថ្មី GIPHY។ Instagram ថែមទាំងបានប្រកាសនូវមុខងារថ្មីមួយទៀតដែលអាចឱ្យ user បង្ហោះ photos និង videos គ្រប់ទំហំទាំងអស់ទៅលើ Stories ដូច្នេះអ្នកនឹងលែងត្រូវបង្ខំឱ្យកាត់ទំហំរូបខ្នាត 9:16 (portrait) ទៀតហើយ។
ដើម្បីប្រើ GIF sticker ត្រូវចុចលើប៊ូតុង add sticker នៅផ្នែកខាងលើកំពូលនៃ Stories រួចហើយចុចរើសយកជម្រើស GIF ថ្មីនេះ បន្ទាប់មកបណ្ដុំរូប GIFs នឹងបង្ហាញឡើងមក។ ចុចទាញទម្លាក់ sticker ចលនាដែលអ្នកស្រឡាញ់ទៅលើរូបថតរបស់អ្នក ឬវីដេអូជាការស្រេច។ មានជម្រើសផ្សេងៗ ក្នុងការបើក browser រូប GIFs ដែលកំពុងពេញនិយមនៅលើ GIPHY ឬស្វែងរកចេញពី library ទាំងមូលក៏បាន៕
ដោយ៖ រឹទ្ធិរាជ
ប្រភព៖ theverge
